असोज २६, २०८३ सोमबार
October 12, 2026
युग खबर
२०८३ असोज २६, सोमबार
काठमाडौं । एनएमबी बैंकले सिटीटेक ग्रुप र स्मार्ट च्वाइस टेक्नोलोजिज (एससीटी) सँगको सहकार्यमा ‘लुप क्रेडिट’ र मासिक किस्ताबन्दी (ईएमआई) सेवा सुरु गर्ने भएको छ।
यसका लागि तीन पक्षबीच सम्झौता भएको छ। सेवामार्फत बैंकका ग्राहकले लुप नेटवर्कमा आबद्ध पसलबाट सामान खरिद गर्दा तत्काल कर्जा लिन तथा डेबिट कार्ड वा क्यूआरमार्फत गरेको भुक्तानीलाई मासिक किस्तामा रूपान्तरण गर्न सक्नेछन्।
बैंकका अनुसार यस सेवाले ग्राहकलाई भुक्तानीका थप विकल्प उपलब्ध गराउनुका साथै डिजिटल वित्तीय सेवा र उपभोक्ता कर्जाको पहुँच विस्तारमा सहयोग पुर्याउनेछ। एनएमबी बैंकले हाल देशभर १९७ शाखा, १७६ एटीएम र ९ एक्सटेन्सन काउन्टरमार्फत सेवा दिँदै आएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया