च्याम्पियन्स लिगमा आर्सनल विजयी, अंक तालिकामा तेस्रो स्थानमा उक्लियो

काठमाडौं। युइएफए च्याम्पियन्स लिग फुटबल अन्तर्गत आज बिहान सम्पन्न खेलमा इंग्लिस क्लब आर्सनल विजयी भएको छ। प्रतिस्पर्धात्मक खेलमा स्लाभिया प्रागलाई २-१ गोल अन्तरले हराउँदै आर्सनलले महत्वपूर्ण तीन अंक जोडेको हो।

खेलको सुरुवातदेखि नै आक्रामक लयमा देखिएको आर्सनलले नवौँ मिनेटमा अग्रता लिएको थियो। नोनी माडुएकेले उत्कृष्ट गोल गर्दै टोलीलाई सुरुवाती सफलता दिलाएका थिए। त्यसपछि खेलको ३८औँ मिनेटमा भिक्टर ग्योकेरेसले अर्को गोल थपेपछि आर्सनल पहिलो हाफमै २-० गोलको सहज स्थितिमा पुग्यो।

दोस्रो हाफमा दुवै टोलीबाट कडा प्रतिस्पर्धा भए पनि निर्धारित समयको अन्त्यतिर मात्र स्लाभिया प्रागले गोल फर्काउन सक्यो। खेलको ९०औँ मिनेटमा स्लाभियाका भिक्टर नोवाकले एक गोल गर्दै टोलीलाई खेलमा फर्काउने प्रयास गरेका थिए। तर, बाँकी समयमा थप गोल हुन नसक्दा आर्सनल २-१ को जित निकाल्न सफल भयो।

यो जितसँगै आर्सनलले जारी च्याम्पियन्स लिगको ४ खेलबाट १० अंक जोड्दै अंक तालिकाको तेस्रो स्थानमा उक्लिन सफल भएको छ। अर्कातर्फ, पराजित भएको स्लाभिया प्रागको ४ खेलबाट मात्र १ अंक रहेको छ।