संवैधानिक आयोगका रिक्त पदमा नियुक्ति गर्न संसदीय समितिको सरकारलाई निर्देशन

काठमाडौंः संवैधानिक आयोगका रिक्त पदमा नियुक्ति गर्न संसदीय सुनुवाइ समितिले सरकारलाई निर्देशन दिएको छ । आज बिहिबार संसद सचिवालय सिंहदरबारमा बसेको समितिको बैठकले उक्त निर्देशन दिएको हो ।

बैठकमा आफ्ना धारणा राख्ने क्रममा परराष्ट्रमन्त्री प्रदीप ज्ञवालीले संवैधानिक परिषद्को बैठकमा कोरम नपुगेकाले नियुक्ति गर्न नपाएको बताएका थिए ।

निर्देशन दिने क्रममा समितिका सभापति लक्ष्मणलाल कर्णले कोरम पुर्याउने जिम्मा आफूहरुको नभएको बताएका छन् । उनले जसको जिम्मा हो उसैले कोरम पुर्‍याउनुपर्ने बताएका थिए ।