काठमाण्डौंः नेपालमा आज कोरोना भाइरसबाट थप ७ हजार ९ सय १४ जना संक्रमित भएका छन् ।
आज पिसिआर परीक्षणबाट ७ हजार ५ सय ९८ जना तथा एन्टिजेन परीक्षणबाट ३ सय १६ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयको आजको मिडिया व्रिफिङ्मा मन्त्रालयका प्रवक्ता प्रा. डा. जागेश्वर गौतमले आज १८ हजार ९ सय ६५ नमूनाको पिसिआर तथा ९ सय ६१ नमूनाको एन्टिजेन प्रविधिबाट परीक्षण गरिएको बताउनुभयो ।
यसैगरी आज थप ७ हजार ६ सय ६४ जना कोरोना सङ्क्रमणमुक्त भएका छन् । हाल सम्मको तथ्याङ्क अनुसार नेपालमा कोरोना सङ्क्रमणमुक्त हुने दर ७६ दशमलव ३ प्रतिशत रहेको छ भने देशभरमा गरी १ लाख १५ हजार ५ सय ४७ जना सक्रिय संक्रमित रहेका छन् ।
सक्रिय सङ्क्रमितमध्ये ७ हजार ३ सय ४९ जना विभिन्न अस्पताल तथा संस्थागत आइसोलेसनमा रहेका छन् भने बाँकी १ लाख ८ हजार १ सय ९८ जना होम आइसोलेसनमा रहेको मन्त्रालयका प्रवक्ता प्रा.डा. गौतमले बताउनुभयो ।
यस्तै आज १ सय ९३ जनाको कोरोनाका कारण मृत्यु भएको पुष्टि भएको छ । नेपाली सेनाले विभिन्न समयमा शव व्यवस्थापन गरेको सङ्ख्या समेत गरी आज १ सय ९३ जनाको कोरोना सङ्क्रमणका कारण मृत्यु भएको पुष्टि भएको मन्त्रालयले जनाएको छ ।
यो सँगै नेपालमा हाल सम्म कोरोना सङ्क्रमणका कारण ज्यान गुमाउनेको सङ्ख्या ६ हजार ३ सय ४६ पुगेको छ भने मृत्यु हुने दर १ दशमलव ६ प्रतिशत रहेको मन्त्रालयले जनाएको छ ।
युग खबर
२०७८ जेठ ९, आइतबार
प्रतिक्रिया