सिन्दुर हाल्न खोज्दा बेहुलाको हात नचलेपछि चार लाख जरिबाना

काठमाडौं । बेहुली पक्षले बेहुलाबाट ४ लाख रुपैयाँ जरिबाना लिएका छन्। जसका लागि बुद्धशान्ति गाउँपालिकाकी उपप्रमुख मीर भुर्तेलसहितको टोलीले विवाद समाधानका लागि पहल गरेको प्रहरीले जनाएको छ।

बेहुलाले आफू डाक्टर भएको भन्दै बेलुही पक्षलाई विवाहका लागि प्रस्ताव राखेको र उनी डाक्टर नभइ निजी अस्पतालमा कार्यरत कर्मचारी रहेको खुलेको छ।

बेहुली पक्षले विवाहका लागि गरेको खर्चको माग बेहुला पक्षसँग गरेपछि उपाध्यक्ष भुर्तेलले सहजीकरण गरेकी थिइन्।

छलफलपछि बेहुली पक्षले बेहुला पक्षसँग ४ लाख रुपैयाँ क्षतिपुर्ती लिएका हुन्।

‘समाज बसेर विवाहमा भएको खर्चको हिसाब गरेको हो, यसमा गाउँपालिकाको कुनै हात छैन। विवाहको कुरा छिनेपछि बेहुला र बेहुली दुवै पक्षले सहमतिमै टीकाटाला नगरी एकै पटक विवाहका लागि राजी भएको देखिन्छ,’ उपाध्यक्ष भुर्तेलले भनिन्।

यसअघि पनि बुद्धशान्ति गाउँपालिकामा एक व्यक्तिको विवाह हुँदा यस्तै घटना घटेको थियो। विवाहलगत्तै बेहुलीलाई छाडेर बेहुला भाग्दा समाजले बेहुलीको परिवारलाई ३५ लाख रुपैयाँ क्षतिपूर्ति दिलाएको थियो।