मंग्सिर १, २०८३ मंगलबार November 17, 2026

दुर्घटना न्यूनीकरणको कार्यक्रम तत्काल ल्याउन राजमोको माग

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः राष्ट्रिय जनमोर्चाले दुर्घटना न्यूनीकरणको कार्यक्रम तत्काल ल्याउन सरकारसँग माग गरेको छ।

साथै, सवारी दुर्घटना बीमाको रकम दोब्बर वा त्यो भन्दा बढी गर्न पनि माग गरेको छ। आइतबार सल्यानमा भएको बस दुर्घटनाप्रति दुःख प्रकट गर्दै राजमोले सरकारले दुर्घटना न्यूनीकरणको पहल गरेकोप्रति क्षोभ प्रकट गरेको छ।

पार्टी प्रवक्ता एवम् उपाध्यक्ष दुर्गा पौडेलले शोक विज्ञप्ति प्रकाशित गरी दुर्घटनाप्रति दुःख व्यक्त गरेकी छन्। आइतबार सल्यानबाट दाङका लागि छुटेको ना २ ख २५५२ नम्बरको यात्रुबाहक बस दुर्घटना हुँदा १२ जनाको निधन भएको छ भने १८ जना घाइते भएका छन्।

राजमोले दुर्घटनामा निधन भएका सबै यात्रुहरुप्रति हार्दिक श्रद्धाञ्जली अर्पण गर्दै शोक सन्तप्त परिवारप्रति गहिरो समवेदना प्रकट गरेको छ। रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया