राष्ट्रियसभा सदस्य उम्मेदवारहरूको नाम प्रकाशन (विज्ञप्ती सहित)

काठमाण्डौः निर्वाचन आयोगले  माघ ९ गते हुने राष्ट्रिय सभा सदस्य निर्वाचनमा सहभागी उम्मेदवाहरूको नामावली प्रकाशन गरेको छ ।

सातवटै प्रदेशमा बुधबार उम्मेदवारको नाम प्रकाशन गरिएको आयोगका प्रवक्ता राजकुमार श्रेष्ठले जानकारी दिएका छन् ।

१८ जना राष्ट्रिय सभा सदस्य चयनका लागि हुन लागेको निर्वाचनमा ४५ जनाको उम्मेदवारी परेको छ ।

उम्मेदवारी फिर्ता लिन चाहनेहरूले बिहीबार बिहान १० बजेदेखि मध्यान्ह ४ बजेसम्म सम्बन्धित प्रदेश निर्वाचन अधिकृतको कार्यालयमा सम्पर्क गर्नुपर्ने प्रवक्ता श्रेष्ठले जानकारी दिए ।