शिक्षकलाई कोरोना पुष्टीपछि एक साताका लागि विद्यालय बन्द

काठमाडौंः पुस १० गतेसम्म विद्यालय बन्द गर्ने निर्णय भएको छ ।

एक शिक्षकलाई कोभिड–१९ सङ्क्रमण पुष्टी भएपछि एक साताका लागि विद्यालय बन्द गरिएको छ। विद्यालयमा कार्यरत शिक्षकलाई कोरोना देखिएपछि १० पुससम्म विद्यालय बन्द गरेको विद्यालयले जनाएको छ।

धनकुटाको पाख्रिबास नगरपालिका–५ स्थित जाल्पादेवी माध्यमिक विद्यालयमा कार्यरत ती शिक्षकको कोभिड–१९ परीक्षण गर्दा नतिजा पोजेटिभ आएको विद्यालयका प्रधानाध्यापक निर्मल रिमालले बताउनुभयो । पोजेटिभ आएका शिक्षक घरैमा होम आइसोलेसनमा बसिरहनुभएको छ ।