त्रिवि व्यवस्थापन संकायमा नेविसंघको तालाबन्दी (विज्ञप्ती सहित)

काठमाण्डौः नेपाल विद्यार्थी संघले कीर्तिपुरस्थित त्रिभुवन विश्वविद्यालय व्यवस्थापन संकायमा तालाबन्दी गरेको छ । विद्यार्थीलाई छात्रवृति प्रदान गर्ने सहमति कार्यान्वयन नगरेपछि बाध्य भएर तालाबन्दी गरेको नेविसंघ नेता दिपक ओझाले बताएका छन् ।

आर्थिक अभावका कारण विद्यार्थीहरुमा गरिएको विभेद अन्त्य गर्न र महँगो कोर्स पढ्न नसक्ने विद्यार्थीहरुको लागि प्रत्यक्ष लाभान्वित गर्न सम्पूर्ण विद्यार्थी संख्याको १० प्रतिशत विद्यार्थीहरुलाई शतप्रतिशत छात्रवृति प्रदान गर्न ने.वि.संघ र त्रि वि बीच भएको सहमति कार्यान्यवन नभएको आरोप नेविसंघले लगाएको छ ।

नेविसंघ र त्रिविबीच २०७६ साल साउन २४ गते भएको सहमति कार्यान्वयन गर्नुपर्ने विद्यार्थीहरुले माग राखेका छन् । नेविसंघले त्रिवि व्यवस्थापन संकायबाट सम्बन्धन प्राप्त सबै क्याम्पसको शूल्कमा एकरुपता ल्याउन माग गरेको छ ।