असार २४, २०८२ मंगलबार
July 8, 2025
न्युज डेस्क
२०७७ बैसाख ३, बुधबार
काठमाडौँ । कोरोना भाइरसको संक्रमण पुष्टि भएका तीनजना बस्दै आएको काँडाघारी स्थित सन सिटी अपार्टमेन्टमा बुधबार ¥यापिड डाग्नोस्टिक टेस्ट (आरडिटी) मार्फत परीक्षण गरिएका सबैको २५८ जनाको रिपोर्ट नेगेटिभ आएको छ ।
अपार्टमेन्टको ब्लक ए मा बस्दै आएका २५८ जनाको बुधबार आरडिटी मार्फत परीक्षण भएको हो । तीन संक्रमितको परिवारका अरु दुईजनाको भने नमूना संकलन गरी राष्ट्रिय प्रयोगशाला टेकू नै पठाइएको छ ।
अपार्टमेन्टका अरु ब्लकमा परीक्षण कसरी गर्ने भन्ने बारे बैठक बसेर निर्णय हुने जनाइएको छ ।
अपार्टमेन्टको १५ औँ तलामा बस्ने एक परिवारका तीनजनामा कोरोना भाइरसको संक्रमण पुष्टि भएपछि ए ब्लकका बासिन्दाको परीक्षण बुधबार भएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया