श्रावण ५, २०८२ सोमबार
July 21, 2025
युग खबर
२०७९ पुष २६, मंगलबार
काठमाडौंः सरकारले सार्वजनिक स्थलमा निःशुल्क इन्टरनेट दिने घोषणा गरेको छ । सोमबार सार्वजनिक गरिएको नेपाल सरकारको नीतिगत प्राथमिकता र न्यूनतम् कार्यक्रम मार्फत यस्तो घोषणा गरिएको हो ।
जसअनुसार विद्यालय, अस्पताल, सरकारी कार्यालय, वित्तीय संस्था, शपिङ कम्प्लेक्स लगायतका सार्वजनिक सेवा प्रवाह हुने सार्वजनिक स्थलमा ब्रोडब्यान्ड इन्टरनेट सेवा निःशुल्क गरिनेछ । यस अघि नियामक नेपाल दूरसञ्चार प्राधिकरणले ब्रोडब्यान्ड इन्टरनेट विस्तार परियोजना अन्तर्गत दुई वर्षसम्म स्थानीय तह, वडा कार्यालय, सामुदायिक विद्यालय र स्वास्थ्य चौकीलाई निःशुल्क इन्टरनेट उपलब्ध गराउँदै आएको थियो ।
यसैगरी सार्वजनिक सेवा प्रवाहलाई सरल, सहज र प्रभावकारी बनाउन सूचना प्रविधिको प्रयोगमा तीव्रता ल्याउने र गैरकानूनी काम कारबाही र भ्रष्टाचार अन्त्य गर्न प्रविधिको अधिकतम सदुपयोग गरिने विषय समेत सरकारले आफ्नो न्यूनतम् कार्यक्रममा समेटेको छ । टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया