काठमाण्डौंः पोखरामा आयोजित तेस्रो टाइगर कप अन्तर्राष्ट्रिय भलिबल प्रतियोगिताको पुरुष तर्फको उपाधि घरेलु टोली गण्डकी प्रदेशले जितेको छ ।
विभागीय टोली एपीएफ क्लबलाई ३–२ को सेटमा पराजित गर्दै गण्डकी च्याम्पियन बनेको हो । अपराजित रहँदै फाइनल पुगेको एपीएफले पहिलो सेट २५–१६ ले जितेको थियो ।
दोस्रो सेट गण्डकी प्रदेशले २५–१८ तथा तेस्रो सेट २५–१९ ले जितेको थियो । चौंथो सेट एपीएफले २८–२६ ले जितेसँगै खेलको निर्णय पाँचौ सेटबाट लिईएको थियो ।
निर्णायक पाँचौ सेट गण्डकीले १५–८ ले जित्यो । विजेता गण्डकीले ५ तथा उपविजेता एपीएफले भने २ लाख ५० हजार रुपैयाँ प्राप्त गर्यो ।
माघ ८ बाट पोखरामा सुरु प्रतियोगितामा महिलातर्फ ४ र पुरुषतर्फ ५ टोलीको सहभागिता रहेको थियो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया