मंग्सिर ५, २०८३ शनिबार November 21, 2026

किमको स्वास्थ्य अवस्थाबारे अन्यौल कायमै

शेयर गर्नुहोस:
फन्ट परिवर्तन गर्नुहोस: अ अ अ

चीनले स्वास्थ्य विशेषज्ञसहितको टोली उत्तर कोरिया पठाएको छ । उत्तर कोरियाका नेता किम जोन उनलाई सल्लाह प्रदान गर्नका लागि चीनले स्वास्थ्य विशेषज्ञसहितको टोली पठाएको अवस्थासँग जानकार तीन व्यक्तिलाई उद्धृत गर्दै समाचार संस्था रोयटर्सले उल्लेख गरेको छ ।

उत्तर कोरियाका नेता किमको स्वास्थ्य अवस्थाका सम्बन्धमा विवादास्पद खबरहरु आइरहेका बेला डाक्टरसहित चिनियाँ अधिकारीहरुको यात्रा तय भएको हो ।

चिनियाँ अधिकारीको यात्राको अर्थ किमको स्वास्थ्य अवस्थामा के राख्छ भन्ने तत्काल पुष्टि गर्न नसकिएको रोयटर्सले जनाएको छ।

भ्रमण टोलीमा चिनियाँ कम्युनिष्ट पार्टीको उत्तर कोरिया हेर्ने अन्तर्राष्ट्रिय कमिटिका उच्च अधिकारी छन् । उनीहरु बिहीबार बेइजिङ्गबाट उत्तर कोरिया गएका हुन् ।

विषयको गाम्भीर्यताले स्रोतले पहिचान खुलाउन नमानेको रोयटर्सको भनाई छ । चीनको विदेश मन्त्रालयले पनि यस सम्बन्धमा तत्काल टिप्पणी गर्न अस्वीकार गरेको छ ।

गएको सोमबार दक्षिण कोरियाको सिओलबाट सञ्चालन हुने डेली एनके अनलाइनले नेता किमको अप्रिल १२ मा मुटुको शल्यक्रिया भएको र त्यसपछि उनको स्वास्थ्य अवस्था गम्भीर रहेको तर सुधार हुँदै गएको उल्लेख गरेको थियो । सो अनलाइनले उत्तर कोरियाको गोप्य स्रोतलाई उद्धृत गर्दै खबर लेखेको थियो ।

उत्तर कोरियाको सरकारी सञ्चारमाध्यमले भने किमको स्वास्थ्य अवस्था वा उनी कहाँ छन् भन्ने बारे केही जानकारी दिएको छैन । किम केही समयदेखि सार्वजनिक रुपमा देखिएका छैनन् ।

अमेरिकी सञ्चारमाध्यम सिएनएनले पनि गुप्तचर निकायको स्रोतलाई उद्धृत गर्दै शल्यक्रियापछि किमको स्वास्थ्य अवस्था अति गम्भीर रहेको बताएको थियो । तर दक्षिण कोरियाका दुई अधिकारीले सो कुरा खारेज गरेका छन् ।

पिता किम जोन इलको सन् २०११ म हृदयघातबाट मृत्यु भएपछि नेता किम उत्तर कोरियाको सत्तामा छन्। उनी तेस्रो पुस्ताका शासक हुन् ।

अमेरिकी राष्ट्रपति डोनाल्ड ट्रम्पले बिहीबार उत्तर कोरियाका नेता किम जोन उन गम्भीर बिरामी परेको भन्ने कुरा आफूलाई सत्य नलागेको बताएका थिए ।

दक्षिण कोरिया र चीनका अधिकारीले नेता किमको स्वास्थ्य अवस्था गम्भीर रहेको र उनी जीवनसँग संघर्ष गरिरहेको भनेर आएका खबर खारेज गर्दै आफूहरुले उत्तर कोरियामा कुनै पनि प्रकारको असामान्य गतिविधि नदेखेको बताउँदै आएका छन् ।

दक्षिण कोरियाको गुप्तचर निकायको स्रोतले शुक्रबार किम जीवितै रहेको र केही दिनमा उनी सार्वजनिक हुने तयारी भइरहेको बताएको रोयटर्सले जनाएको छ । तर ती अधिकारीले किमको अहिलेको अवस्था र चीनको संलग्नताबारे केही टिप्पणी गर्न चाहेनन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार