मंग्सिर ५, २०८३ शनिबार November 21, 2026

दूरसञ्चार प्राधिकरण कप फुटसलको उपाधि वर्ल्डलिंकलाई

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः दूरसञ्चार क्षेत्रको नियामक निकाय नेपाल दूरसञ्चार प्राधिकरणले आफ्नो रजत जयन्तीको अवसरमा आयोजना गरेको नेपाल दूरसञ्चार प्राधिकरण कप “अन्तर सेवा प्रदायक स्तरीय फुटसल प्रतियोगिता” को उपाधि वर्ल्डलिंक कम्युनिकेशन लिमिटेडले हात पारेको छ ।

काठमाडौँको बालुवाटारस्थित फुटसल कोर्टमा शुक्रबार भएको फाइनलमा एनसेल आजियाटा लिमिटेडलाई ३–२ गोल अन्तरले पराजित गर्दै वर्ल्डलिंकले उपाधि सहित एक लाख नगद, मेडल तथा प्रमाणपत्र हात पारेको छ ।

उपविजेता बनेको एनसेलले ६० हजार नगदसहित मेडल तथा प्रमाणपत्र प्राप्त गरेको छ ।

तेस्रो स्थानका लागि भएको खेलमा डिस मिडिया नेटवर्कले मर्कन्टायल कम्युनिकेसन लिमिटेडलाई २१– ४ को फराकिलो गोल अन्तरमा पराजित गर्दै ४० हजार नगद प्राप्त गरेको छ ।

माघ २९ गतेबाट सुरु भएको प्रतियोगितामा विभिन्न दूरसञ्चार तथा इन्टरनेट सेवा प्रदायक सम्बद्ध संस्थाका दश टोलीको सहभागिता रहेको नेपाल दूरसञ्चार प्राधिकरणका सहायक निर्देशक एवं खेल सञ्चालन समितिका सदस्य सुनिल खतिवडाले बताउनुभयो ।

नकआउट फर्म्याटमा सञ्चालन भएको प्रतियोगितामा दूरसञ्चार सेवा प्रदायकहरू नेपाल टेलिकम, एनसेल आजियाटा लिमिटेड, स्मार्ट टेलिकम प्रा.लि., भायानेट कम्युनिकेशन लिमिटेड, सुबिसु केवलनेट लिमिटेड, डिस मिडिया नेटवर्क, वर्ल्डलिंक कम्युनिकेसन लिमिटेड, मर्कन्टायल कम्युनिकेसन लिमिटेड, सिजि कम्युनिकेसन लिमिटेड र ब्रोडलिंक नेटवर्क एण्ड कम्युनिकेशन प्रा.लि. ले भाग लिएका थिए ।

२०५४ फागुन २० गते स्थापना भएको नेपाल दूरसञ्चार प्राधिकरणले स्थापनाको २५ वर्ष पूरा भएको अवसरमा अन्तर सेवा प्रदायक स्तरीय फुटसल प्रतियोगिताको आयोजना गरेको हो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तरकारी खेतीबाट वार्षिक २५ लाख आम्दानी
२०८३ मंग्सिर ५, शनिबार
स्वस्थ रहन कुन उमेर समूहले कति समय सुत्नु पर्छ ? जान्नुहोस्
२०८३ मंग्सिर ५, शनिबार
ट्रम्पको इरानसम्बन्धी सैन्य अधिकार सीमित गर्ने प्रस्ताव सिनेटबाट अस्वीकृत
२०८३ मंग्सिर ५, शनिबार
नेपाललाई वैदिक ज्ञान र धार्मिक पर्यटनको केन्द्र बनाउनुपर्छ : स्वामी कमलनयनाचार्य
२०८३ मंग्सिर ५, शनिबार
विश्व पारा तेक्वान्दोमा दीपेश महतले जिते रजत पदक, १२ वर्षपछि दोहोरियो सफलता
२०८३ मंग्सिर ५, शनिबार
भीमफेदी कारागारबाट भागेका लागूऔषध मुद्दाका कैदी पक्राउ
२०८३ मंग्सिर ५, शनिबार
एन्फा निलम्बन फुकुवाको प्रक्रिया अघि बढ्यो : खेलकुदमन्त्री पोखरेल
२०८३ मंग्सिर ५, शनिबार