बैसाख १३, २०८२ शनिबार
April 26, 2025
न्युज डेस्क
२०७५ भाद्र २२, शुक्रबार
काठमाडौं । सामुदायिक विद्यालयका लागि लिइने शिक्षक परिक्षाको लागि शिक्षक सेवा आयोगले यसपटकबाट नयाँ नियम लागू गरेको छ । आयोगले यसपटकदेखि फारम भरेको जिल्लाबाट परीक्षादिन नपाइने व्यवस्था गरेको छ ।
परिक्षालाई मर्यादित र अझ व्यवस्थित बनाउने भन्दै आयोगलेफारम भरेको जिल्लाबाट नभई फरक जिल्लाबाट परीक्षा दिनुपर्ने व्यवस्था गरेको आयोगकाउपसचिव दामोदर आचार्यले जानकारी दिनुभयो । यसबाट परिक्षार्थी भने मर्कामा परेका छन्।
परिक्षा दिनका लागि अन्यत्र जानुपर्ने अवस्था उत्पन्न भएको छ । परीक्षा सञ्चालन गर्नुभन्दा अगाडिकेन्द्राध्यक्षलाई अभिमुखीकरण तालीम दिने तयारी समेत गरेको छ ।
असोज ११ गते मावि, १२ गतेप्रावि र १३ गते निमावि तहको परीक्षा यसअघि नै निर्धारण गरिएको थियो । जसका लागि परिक्षाकेन्द्र समेत निर्धारण गरिसकेको छ ।
तीनै तहको परीक्षाको लागि करीब दुईसय २५ परीक्षा केन्द्र तोकिने भएको छ । उपसचिव आचार्यले दुईसय २५ परीक्षार्थी बराबर एक परीक्षा केन्द्र हुने बताउनुभयो ।
एउटापरीक्षा केन्द्रमा एक केन्द्राध्यक्ष, दुई सहायक केन्द्राध्यक्ष र ११ निरीक्षक रहने आयोगले जनाएको छ । परीक्षामा २० परीक्षार्थी बरावर एक निरीक्षकको व्यवस्था गरिएको उहाँले बताउनुभयो ।
आयोगले अबको एक हप्ता सबै परीक्षा हुने जिल्लामा उत्तरपुस्तिका पठाइसक्ने छ । कूल १२ हजार ७ सय ५६ पदका लागि दुई लाख ७७ जना परीक्षार्थी रहेका छन् । सबभन्दा बढी प्राविमा एक लाख ५८ हजार,निमावीमा ८१ हजार र माविमा ३८ हजार परीक्षार्थी रहेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया