नुवाकोट कांग्रेसद्वारा केसी र भट्ट सम्मानित

काठमाडौं । ९० घण्टा दुई मिनेट निरन्तर वक्तव्य दिएर विश्व कीर्तिमान कायम गर्न सफल भएका नुवाकोट शिवपुरी गाउँपालिका–१ का अनन्तराम केसीलाई नेपाली कांग्रेस नुवाकोटले सम्मान गरेको छ । राजधानीको माछापोखरीस्थित नाजार्जुन पार्टी प्यालेसमा शनिबार आयोजित तीज विशेष कार्यक्रममा केसीलाई सम्मान गरिएको थियो ।

उहालाई नेपाली कांग्रेसका नेताहरु डा. रामशरण महत र अर्जुननरसिंह केसीले खादा ओढाएर सम्मानपत्रसहित सम्मान गर्नुभएको थियो । कांग्रेसले केसीले विश्वकै लामो मन्तव्य दिएर विश्वमा नाम लेखाउन सफल होनहार व्यक्तित्व भएको भन्दै केसीलाई सम्मानित गरेको जनाएको छ ।

कार्यक्रममा नेताद्वय केसी र महतले केसीको यो सफलता राष्ट्रको सम्पत्ति भएको भन्दै केसीलाई राष्ट्रले नै सम्मान गर्नुपर्नेमा जोड दिनुभएको थियो । नेपाली कांग्रेस नुवाकोटका जिल्ला सभापति जगदीश्वरनरसिंह केसीको सभापतित्वमा भएको कार्यक्रममा उपसभापति लक्ष्मण थापा,महासमिति सदस्य डा केदारनरसिंह केसी,रमेश महत, जिल्ला सचिव सुरेन्द्रराज अधिकारी शिव दाहाल लगायतले मन्तव्य राखेका थिए ।

कांग्रेसले राजधानीमा रहेका पार्टी समर्थिक महिलाहरुका लागि भन्दै तीज कार्यक्रमको आयोजना गरेको थियो । केसीले पहिलो पटक उनले ८० घण्टा भन्दा बढि समय मन्तव्य दिएर पनि वल्ड रकेर्ड कायम सगारन सकेका थिएनन् । यो पटक भने केसीले केरेलाका केपी भाल साराजानले ८१ घण्टा १६ मिनेट बोलेर कायम गरेको विश्व कीर्तिमानलाई तोड्न सफल भएका छन् ।

भदौ ११ गते बिहान ६ बजेदेखि निरन्तर वक्तव्य दिएका केसीले बिहीबार मध्यरातसम्म ९० घण्टा २ मिनेट वक्तव्य दिएर सो किर्तिमान कायम गर्न सफल भएका हुन । न्यू माइन्ड्स एकेडेमीको आयोजनामा केसीले गोकर्णेश्वर नगरपालिका–५ जोरपाटीस्थित इष्टपोल स्कूलमा लगातार ९१ घण्टा मन्तव्य दिएका थिए ।

निरन्तर ९० घण्टा दुई मिनेट बोलेर विश्व कीर्तिमान राख्न सफ केसीलाई गिनिज बुक अफ वल्र्ड रेकर्डका प्रतिनिधि सोप्नील डाङ्गारीकार, प्रदेश सांसद जीवन डङ्गोलले संयुक्तरूपमा प्रमाणपत्र वितरण गरेका थिए । नेपालको ७७ वटै जिल्ला र भारतको ६ प्रान्त गरी १२ हजार ५०० किलोमिटर पैदलयात्रा गरिसकेका केसी आध्यामिक साधकको रुपमा समेत परिचित रहेका छन् ।

स्वामी विवेकानद्यसँग अत्यन्तै निकट रहेर काम गरेका केसी पछिल्लो समय सफल यो साधकका रुमा पनि परिचित हु्नुहुन्छ । यस्तै कांग्रेसले खेलकुद क्षेत्रमा उलेख्य योगदान गर्न सफल भएको भन्दै बासु भट्टलाई पनि सम्मान गरेको थियो । उहालाई डा महत र केसीले सम्मान गर्नुभएको थियो ।