अभिनेता सानु ताम्राकार रहेनन्

काठमाडौंः अभिनेता सानु ताम्राकारको ७४ वर्षको उमेरमा निधन भएको छ। शनिबार दिउँसो ३ः२० बजे नर्भिक अस्पतालमा उपचारको क्रममा उनको निधन भएको चलचित्र कलाकार संघका अध्यक्ष मोहन निरौलाले जानकारी दिए ।

उनी २८ दिनदेखि मिर्गौलासम्बन्धी समस्याको उपचार गराइरहेका थिए ।

गत असार २१ गते छोरा सारुकको निधन भएपछि पुत्र वियोगले  चिन्तित रहेका ताम्राकार मिर्गौलाको उपचार गर्दागर्दै थप कमजोर भएका थिए ।

ताम्राकारको पार्थिव शरीरलाई आइतबार पशुपति आर्यघाटमा दाहसंस्कार गर्ने तयारी रहेको अध्यक्ष निरौलाले जनाए ।