नेकपाको तल्लो तहको विवाद प्रदेशले मिलाउने

काठमाडौं । नेपाल कम्युनिष्ट पार्टी (नेकपा)ले पार्टीभित्रको तल्लो तहको व्यवस्थापनको जिम्मा प्रदेश कमिटिलाई दिएको छ ।

प्रधानमन्त्री एवं पार्टी अध्यक्ष केपी शर्मा ओली र अर्का अध्यक्षपुष्पकमल दाहाल ‘प्रचण्ड’ले विशेष परिपत्र जारी गर्दै प्रदेश कमिटीले पूर्णता नपाउँदासम्मकालागि प्रदेश कमिटिका अध्यक्ष तथा इन्र्चाज र सह इन्चार्जलाई नियमित बैठक राखेर जिल्लातहको एकीकरण गर्ने जिम्मा दिइएको नेकपाले जनाएको छ ।

प्रदेश इञ्चार्ज, सहइञ्चार्ज,अध्यक्ष र सचिवले पार्टीको विधान, नियमावली र निर्देशनको मार्गदर्शन एवं विगतकोसिफारिशका आधारमा आफ्नो मातहतका जिल्ला कमिटी एकीकरण सम्पन्न गर्नुपर्ने जिम्मा दिइएको छ । यस्तै गाउँ तथा नगर स्तरका विवाद मिलाउँदै एकिकरण गर्ने जिम्मेवारी पनिदिइएको छ ।

नेताद्वयले हस्ताक्षर गरेको सर्कुलरमा सम्बन्धित तहका पूर्ण कमिटी र तिनकापदाधिकारी तथा सदस्यसँगको परामर्श र सुझाव समेतका आधारमा जिल्ला मातहतका सबैतहमा एकीकरण गर्ने, आफ्नो तह र मातहतका पार्टी कार्यलयहरूलाई एकीकृत गर्ने र नियमति एवं व्यवस्थित रुपमा सञ्चालन गर्ने, आफ्नो तह र मातहतको पार्टी सम्पत्तिएकीकृत गर्ने, आम्दानी र खर्चको संस्थागत प्रणाली स्थापित गर्ने र लेखाप्रणालीलाई व्यवस्थित

गर्ने उल्लेख गरिएको छ । यस्तै पार्टी सदस्यता एकीकृत गर्ने, अभिलेख अद्यावधिक गर्ने रकेन्द्रीय सचिवालयमा बुझाउन, प्रदेश, जिल्ला र सो मातहतका विभिन्न तहमा कार्यकर्ता भेलातथा प्रशिक्षण कार्यक्रम आयोजना जिम्मेवारी दिइएको छ । यस्तै  सरकार र स्थानीय तहको कामलाई प्रभावकारी बनाउन आवश्यक सहयोग गर्र्न, ती निकायसँग समन्वय गर्दैविकास–निर्माण र जनसरोकारका रचनात्मक कार्यमा समग्र पार्टी शक्तिलाई परिचालन गर्न र कार्यसम्पादन गर्दा नीतिगत वा व्यावहारिकरुपमा कुनै कठिनाइ उत्पन्न भएकमा केन्द्रीयसचिवालयमा सम्पर्क गर्न पनि परिपत्रमा भनिएको छ ।

यसैगरी परिपत्रमा पार्टी केन्द्रबाट चाँडैप्रवेश कमिटीका सदस्यहरू र जिल्ला कमिटीका पदाधिकारी तथा सदस्यहरूका सम्बन्धमा पूर्वनिर्धारित मापदण्डका साथै थप मापदण्डसमेत पठाइने उल्लेख गरिएको छ ।