फागुण १३, २०८० आइतबार February 25, 2024

बबी देओललाइ एनिमलबाट ५ करोड पारिश्रमिक, दर्शकले भने, ‘फिल्म बबाल छ’

शेयर गर्नुहोस:
फन्ट परिवर्तन गर्नुहोस:

मुम्बइ, १५ मंशिर । रणवीर कपुर अभिनित एनिमल रिलिज भएको छ । जसमा बबी देओल खलनायकको भूमिकामा देखिएका छन् ।

फिल्मको ट्रेलरमा बबी देओलको उग्र शैली देख्न सकिन्छ । चलचित्रले एनिमलको अग्रिम बुकिङमा राम्रो प्रतिक्रिया पाइरहेको छ । यदि सबै कुरा मिल्यो भने बबी देओलको यो फिल्म उनको करियरको उत्कृष्ट ओपनिङ फिल्म बन्न सक्छ । विशेष कुरा के छ भने बबी देओलका भाइ सन्नी देओलले पनि यो वर्ष गदर २ मार्फत आफ्नो करियरको ठूलो हिट दिएका थिए ।

तर एनिमलमा बबी देओल र गदर २ मा सन्नी देओलको शुल्कको कुरा गर्ने हो भने दुवैको शुल्क एकदमै उचित छ । गदर २ कम बजेटको फिल्म थियो तर मिडिया रिपोर्टलाई विश्वास गर्ने हो भने सनी देओलले यो फिल्मका लागि २० करोड भारु पारिश्रमिक लिएको बताइएको छ । बबी देओलको पारिश्रमिक दाजुको भन्दा निकै कम छ । मिडिया रिपोर्टका अनुसार बबी देओलले फिल्म एनिमलका लागि ५ करोड भारु पारिश्रमिक लिएको बताइएको छ । अर्थात सन्नी देओल र बबी देओलको यो वर्षको शुल्कमा १५ करोडको फरक छ ।

फिल्म एनिमलको कुरा गर्ने हो भने, एनिमलले सेन्सर बोर्डबाट ‘ए’ सर्टिफिकेट पाएको छ । अर्जुन रेड्डी र कबीर सिंह जस्ता सुपरहिट फिल्महरू बनाएका सन्दीप रेड्डी वांगाले एनिमललाई निर्देशन गरेका हुन । जब रणवीर कपूरको एनिमल लुक भाइरल भयो, उनले धेरै हेडलाइन्स बनाए।

यो फिल्म डिसेम्बर १ गतेबाट हलमा रिलिज भएको छ ।  एनिमलसँगै विक्की कौशलको फिल्म सामबहादुर पनि हलमा रिलिज भएको छ । यो फिल्मलाई मेघना गुलजारले निर्देशन गरेका हुन् ।

एनिमलको पहिलो शो बिहान ७ बजे देखी चलिरहेको छ । फिल्म हेरिरहेका दर्शकले सामाजिक सञ्जालमा भिडियोहरू पोष्ट गर्दै फिल्म बबाल भन्दै प्रतिक्रिया दिइरहेको भारतीय मिडियाले जनाएका छन्  ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया