नाइजेरियामा विद्रोही समूहको आक्रमणमा परि २० सैनिकको मृत्यु

काठमाण्डाैंः नाइजेरियाको बोर्नो राज्यमा विद्रोही समूहको आक्रमणमा परि २० जना सैनिक र ४० बढी सर्वसाधारणको मृत्यु भएको छ । मोंगुनो र गांन्जेई भन्ने दुईवटा स्थानीय इलाकामा भएको आक्रमणमा परि सो संख्यामा हताहती भएको अलजजीराले उल्लेख गरेको छ ।

ती आक्रमणकारी रकेट लञ्चरसहित सो क्षेत्रमा पुगेको स्थानीयले जनाएका छन् । आक्रमणकारी र स्थानीयबीच भएको गोलीबारीमा सयौं सर्वसाधारण घाइते भएका छन् । तीन दिनअघि मात्र गुइबो जिल्लामा भएको आक्रमणमा ८२ जनाको मृत्यु भएको थियो । – एजेन्सी