बेइजिङमा महामारीको दोस्रो लहर, थप ३६ जनामा संक्रमण

काठमाडौं । चीनको राजधानी बेइजिङमा कोरोना भाइरस महामारीको दोस्रो लहर सुरु हुने चिन्ता थपिएको छ । बेइजिङमा आइतबार थप ३६ जनामा स्थानीय रुपमै संक्रमण फैलिएको पुष्टि भएसँगै चिन्ता बढेको हो ।

शनिबार पनि ३६ जनामा संक्रमण पुष्टि भएको थियो । बेइजिङमा पछिल्लो ५० दिन भन्दा बढी समयदेखि नयाँ संक्रमण देखिएको थिएन ।

संक्रमण थप बिस्तार हुन सक्ने सम्भावना रहेकाले सतर्कता अपनाउनु पर्ने सरकारी अधिकारीले बताएका छन् । बेइजिङको ठूलो होलसेल मार्केटबाट संक्रमण फैलिएको देखिएको छ ।