मंग्सिर ४, २०८३ शुक्रबार November 20, 2026

राष्ट्रपति रनिङ शिल्डको उपाधि परशुराम नगरपालिकाले जित्यो

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः परशुराम नगरपालिकाले डडेल्धुरा जिल्ला स्तरीय १४औं राष्ट्रपति रनिङ शिल्ड प्रतियोगिताको उपाधि यस वर्ष पनि जितेको छ । परशुरामले गत वर्ष पनि राष्ट्रपति रनिङ शिल्डमा कब्जा जमाएको थियो ।

डडेल्धुरा सदरमुकामस्थित टुँडिखेलमा आइतबार सम्पन्न प्रतियोगितामा सर्वाधिक २० स्वर्ण, १२ रजत र सात कास्य पदकसहित परशुराम नगरपालिकाले शिल्ड जितेको हो । समापन कार्यक्रमका प्रमुख अतिथि अमरगढी नगरपालिकाका नगरप्रमुख डिल्लीराज जोशीले परशुराम नगरपालिकालाई शिल्ड हस्तान्तरण गरेका छन् ।

प्रतियोगितामा अमरगढी नगरपालिकाले १९ स्वर्ण, सात रजत र १७ कास्य पदकसहित द्वितीय स्थान हासिल गरेको छ भने अजयमेरु गाउँपालिकाले आठ स्वर्ण, १७ रजत र ११ कास्य पदकसहित तृतीय स्थान प्राप्त गरेको आयोजक जिल्ला खेलकुद समितिका कार्यालय प्रमुख डम्मरबहादुर भण्डारीले जानकारी दिए ।

कार्यालय प्रमुख भण्डारीका अनुसार प्रतियोगितामा आलिताल गाउँपालिकाले पाँच स्वर्ण, १२ रजत र १३ कास्य पदक हात पारेको छ भने भागेश्वर गाउँपालिकाले एक स्वर्ण, दुई रजत र एक कास्य, नवदुर्गा गाउँपालिकाले एक स्वर्ण, एक रजत र सात कास्य पदक हात पारेको छ । प्रतियोगितामा गन्यापधुरा गाउँपालिकाले भने एउटा पनि स्वर्ण पदक जित्न सकेन् । गन्यापधुरा गाउँपालिकाले दुई रजत र पाँच कास्य पदकमा चित्त बुझाएको छ ।

प्रतियोगिताको विजेता टिमलाई शिल्ड, मेडल र प्रमाणपत्र प्रदान गरिएको छ । जिल्लाका सातवटै स्थानीय तहको सहभागिता रहेको प्रतियोगितामा छात्र–छात्रा भलिबल, कबड्डी, एथ्लेटिक्स, कराँते, उसुलगायतका खेलहरु समावेश थिए । जिल्ला स्तरीय प्रतियोगितामा उत्कृष्ट प्रदर्शन गर्ने खेलाडीहरूले प्रदेश स्तरीय राष्ट्रपति रनिङ शिल्डमा सहभागिता जनाउन पाउने जिल्ला खेलकुद विकास समितिले जनाएको छ ।

प्रदेश स्तरीय प्रतियोगिताका लागि छनोट भएका खेलाडीहरूको नामावली केही दिनमा सार्वजनिक गरिने कार्यालय प्रमुख भण्डारीले बताए । शुक्रबार सुदूरपश्चिम प्रदेशका भौतिक पूर्वाधार विकास मन्त्री प्रकाशबहादुर देउवाले १४औं जिल्ला स्तरीय राष्ट्रपति रनिङ शिल्ड प्रतियोगिताको उद्घाटन गरेका थिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार
एन्टिमाइक्रोबियल औषधिको जथाभावी प्रयोग रोक्न मन्त्री मेहताको जोड
२०८३ मंग्सिर ४, शुक्रबार
‘शिक्षा सुधारमा स्थानीय तह र समुदायको भूमिका महत्त्वपूर्ण हुन्छ’ : प्रथम राष्ट्रपति यादव
२०८३ मंग्सिर ४, शुक्रबार
आधारभूत तहका प्रहरी कर्मचारीका लागि केन्द्रीय गुनासो व्यवस्थापन डेस्क स्थापना
२०८३ मंग्सिर ४, शुक्रबार
वैशाखमा स्थानीय र मंसिरमा प्रदेशसभा निर्वाचन गर्ने आयोगको प्रस्ताव
२०८३ मंग्सिर ४, शुक्रबार
डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना
२०८३ मंग्सिर ४, शुक्रबार