वैशाख ६, २०८१ बिहिबार April 18, 2024

वीर अस्पतालद्वारा दुवाकोटमा पनि ओपिडी सेव शुरु

शेयर गर्नुहोस:
फन्ट परिवर्तन गर्नुहोस:

काठमाडौैं । मुलुकको सबैभन्दा पुरानो तथा जेठो अस्पताल वीर अस्पतालले भक्तपुरको दुवाकोटबाट पनि स्वास्थ्य सेवाको शुरुआत गरेको छ ।

चिकित्सा विज्ञान राष्ट्रिय प्रतिष्ठान(न्याम्स) अन्तर्गत सञ्चालित अस्पतालले सो स्थानबाट बुधबारदेखि बहिरंग स्वास्थ्य सेवा (ओपिडी) सेवा शुरुआत गरेको हो । अस्पतालका निर्देशक प्रा डा भुपेन्द्र बस्नेतले सो स्थानमान्याम्सले वीर अस्पताललाई अन्तर्राष्ट्रियस्तरको स्वास्थ्य सेवा प्रदान गर्न अत्याधुनिक भौतिकसंरचना तयार गर्न स्वीकृतसमेत दिएको जानकारी दिनुभयो ।

ओपिडी सेवा बिहान ९ देखि ५बजेसम्म हुने सञ्चालन हुने अस्पताले जनाएको छ । यस्तै त्यहा चेकजाँच गरेपछि थपउपचार गर्नु परेमा वीर अस्पतालमा अर्काे टिकट लिन नपर्ने व्यवस्थासमेत अस्पताललेमिलाएको छ ।

स्वास्थ्य मन्त्रालयले न्याम्सलाई सो स्थानमा अत्याधुनिक स्वास्थ्य सेवा प्रदानगर्न भौतिक संरचना गर्न करीब ५ सय ७० रोपनी जमीन उपलब्ध गराएको थियो ।

अस्पतालले ओपिडी सेवा प्रदान गर्न एक जना मेडिकल अफिसर, नर्स, अहेबसहित आवश्यककर्मचारी व्यवस्था गरेको जनाएको छ । पछिल्लो समय स्वास्थ्य मन्त्रालले वीर अस्पतालकोचिकित्सा शिक्षा र स्वास्थ्य सेवा विस्तारलाई उच्च प्राथमिकता दिँदै आएको छ ।

सो स्थानमाभौतिक संरचनालगायत कामको शुरुआत गर्न मन्त्रालयले न्याम्सको गुरुयोजनाअनुसार रु ३०करोड विनियोजनसमेत गरिसकेको छ । वीर अस्पतालले सो स्थानमा एक हजारदेखि एकहजार ५०० सम्मको श्ययाको अस्पताल, नर्सिङ, औषधि पसल, चिकित्सा शिक्षाका लागिकलेज, आवास गृहलगायत पूर्वाधार तयार गर्दैछ ।

साथै सरकारीस्तरमा पहिलो पटकहेलिप्याडको सुविधासमेत रहने निर्देशक प्राडा बस्नेतले जानकारी दिनुभयो विसं १९४७ मा १५ श्ययाबाट सेवा दिन शुरु गरेको वीर अस्पतालको हालको क्षमता ४५०श्ययाको रहेको छ ।

अर्काेतर्फ न्याम्सले छिट्टै ६५० श्ययाको मेडिकल भवन निर्माण कार्यशुरु हुने तथा सय श्ययाको विशिष्ट प्रकारको विशेषज्ञ मेडिकल भवन जापान सरकारकोआर्थिक सहयोगमा शुरु भइसकेको जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया