वैशाख ५, २०८१ बुधबार April 17, 2024

पाकिस्तानकाे काेइला खानी बिष्फाेटमा परी १२ काे मृत्यु, आठ जनाको उद्धार

शेयर गर्नुहोस:
फन्ट परिवर्तन गर्नुहोस:

इस्लामबाद, ८ चैत । पाकिस्तानको बलुचिस्तान प्रान्तमा रहेको कोइला खानीमा भएको विस्फोटमा परी १२ जनाको मृत्यु भएको छ ।

उक्त विस्फोट निकै शक्तिशाली भएको अधिकारीले बताएका छन् । जसका कारण कोइला खानी भत्किँदा १२ जनाको ज्यान गएको थियो ।

अधिकारीका अनुसार उक्त दुर्घटनापछि खानीबाट करिब आठ जनाको उद्धार गरिएको छ । डन अखबारको समाचार अनुसार यो घटना हर्नाई जिल्लाको जर्दालो क्षेत्रमा भएको हो ।

समाचार अनुसार बलुचिस्तानका मुख्य खानी निरीक्षक अब्दुल घानी बलोचलाई उद्धृत गर्दै भनिएको छ कि मध्यरातमा मिथेन ग्यास विस्फोट हुँदा लगभग २० जना भित्र उपस्थित थिए। विष्फोटपछि उद्दार कार्य सुरु गरिएको उक्त अधिकारीले बुधबार पूरा गरेको जानकारी दिए । उद्धार टोलीले १२ जनाको शव निकालेको छ भने ८ जनालाई अस्पतालमा भर्ना गरिएको छ।

यसैबीच, प्रधानमन्त्री शहबाज सरिफले दुर्घटनामा परी ज्यान गुमाउनेप्रति दुःख व्यक्त गरेका छन् । रेडियो पाकिस्तानका अनुसार प्रधानमन्त्री शाहबाजले घाइतेहरूलाई सम्भावित सबै उपचार उपलब्ध गराउन निर्देशन दिएका छन्।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दार्चुलाको अपिमा स्वास्थ्य शिविर : ६९४ ले लिए सेवा
२०८१ वैशाख ६, बिहिबार
गण्डकी प्रदेशसभा अधिवेशन आव्हान
२०८१ वैशाख ६, बिहिबार
नासाले मंगल ग्रहका नमूनाहरू फिर्ता गर्न नयाँ डिजाइन खोज्ने
२०८१ वैशाख ६, बिहिबार
नेपाल र बंगलादेशबीच तेस्रो परराष्ट्र मन्त्रालय स्तरीय परामर्श बैठक काठमाडौंमा सम्पन्न
२०८१ वैशाख ६, बिहिबार
इजरायल र हमासबीचको युद्धको प्रभाव गुगल अफिसमा, किन हुदैछ प्रदर्शन ?
२०८१ वैशाख ६, बिहिबार
पाकिस्तानमा वर्षाजन्य दुर्घटनामा ७१ को मृत्यु, ६७ घाइते
२०८१ वैशाख ६, बिहिबार
सुकीलाई जेलबाट निकालेर घरमै नजरबन्दमा राखियो, यस्तो छ कारण
२०८१ वैशाख ५, बुधबार