मंग्सिर ३, २०८३ बिहिबार November 19, 2026

आयरल्याण्डका प्रधानमन्त्रीद्वारा राजीनामाको घोषणा

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः आयरल्याण्डका प्रधानमन्त्री लियो वराडकरले बुधबार “व्यक्तिगत र राजनीतिक” कारण देखाउँदै आफ्नो पद र पार्टी नेतृत्वबाट अचानक राजीनामाको घोषणा गरेका छन्।

उनको यो घोषणाले सिंगो देश स्तब्ध भएको छ । “मैले आजबाट अध्यक्ष र नेताको पदबाट राजीनामा दिँदैछु र मेरो उत्तराधिकारीले त्यो पद सम्हाल्ने बित्तिकै ताओइसेचको पदबाट राजीनामा दिनेछु,” वराडकरले भने।

लियो वराडकरले आफ्नो पद छोड्नुको कारण व्यक्तिगत र राजनीतिक भए पनि मुख्यतया राजनीतिक भएको बताए। ‘सात वर्षको कार्यकालपछि मलाई अब त्यो पदको लागि उपयुक्त व्यक्ति हुँ जस्तो लाग्दैन’ उनले भने । उनले पार्टीमा अरुलाई पनि मौका दिन चाहेको बताए ।

आफ्नो भाषणमा वराडकरले बालअधिकार, एलजीबीटी समुदाय, महिलाहरूको लागि समानता र उनीहरूको स्वायत्तताको कुरा गर्दा देश अझ समान र आधुनिक ठाउँ भएकोमा आफूलाई गर्व लागेको बताए ।

वराडकरले २०१७ देखि फाइन गेल पार्टीको नेतृत्व गर्दै आएका छन् । ३८ वर्षको उमेरमा उनी देशको सबैभन्दा कान्छो र पहिलो खुला समलिङ्गी प्रधानमन्त्री बने । त्यसपछि दुई पटक ताओइसेचको रूपमा सेवा गरिसकेका छन्।

वराडकरले फाइन गेल भित्र बढ्दो असन्तुष्टिको सामना गर्नु परेको छ। उनले अब चुनाव नउठाउने घोषणा गरेका छन् । यस महिनाको सुरुमा दुई संवैधानिक संशोधनमा जनमत संग्रहमा मतदाताहरूले सरकारलाई चकित पारेका थिए।

उनले डब्लिनमा दिएको राजीनामा पत्रमा भनेका छन्, “हामीले देशलाई अझ समान र आधुनिक ठाउँ बनाएकामा मलाई गर्व छ।” वराडकर भर्खरै वाशिंगटनबाट फर्केका थिए, जहाँ उनले आयरल्याण्डका प्रधानमन्त्रीको परम्परागत सेन्ट प्याट्रिक दिवसको संयुक्त राज्य अमेरिका भ्रमणको भागको रूपमा राष्ट्रपति बाइडेन र अन्य राजनीतिक नेताहरूलाई भेटे।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
परराष्ट्रमन्त्री खनालसँग चिनियाँ राजदूत चाङको शिष्टाचार भेटवार्ता
२०८३ मंग्सिर ३, बिहिबार
निर्वाचनको हारबाट पाठ सिकेर अघि बढ्नुपर्छ: वरिष्ठ नेता भण्डारी
२०८३ मंग्सिर ३, बिहिबार
New generation diplomacy should be based on national interest, strategic capability: Foreign Minister Khanal
२०८३ मंग्सिर ३, बिहिबार
राअविका प्रमुख अनुसन्धान अधिकृत चौधरीविरुद्ध विशेष अदालतमा भ्रष्टाचार मुद्दा दायर
२०८३ मंग्सिर ३, बिहिबार
एमाले राष्ट्रिय भेलाबाट २१ बुँदे विशेष प्रस्ताव र संकल्प पारित
२०८३ मंग्सिर ३, बिहिबार
बाजुरामा यस वर्ष ३३७ मेट्रिकटन स्याउ उत्पादन
२०८३ मंग्सिर ३, बिहिबार
एन्फामाथिको निलम्बन र प्रतिबन्ध फुकुवा
२०८३ मंग्सिर ३, बिहिबार