मंग्सिर ४, २०८३ शुक्रबार November 20, 2026

कोरोनाविरुद्ध लड्‍न रामदेवले ल्याए ‘कोरोनिल’, सात दिनमा कोरोना निको हुने दाबी

शेयर गर्नुहोस:
फन्ट परिवर्तन गर्नुहोस: अ अ अ

एजेन्सी । योगगुरु बाबा रामदेवको कम्पनी पतञ्जलीले कोरोना भाइरसविरुद्ध लड्‍न सक्‍ने औषधि तयार पारेको दाबी गरेको छ।

मंगलबार पतञ्‍जली आयुर्वेदले आयोजना गरेको पत्रकार सम्‍मेलनमा बोल्दै बाबा रामदेवले भनेका छन्, ‘विश्‍वले कोरोना भाइरसको औषधि खोजी गरिरहेको थियो। तर आज कोरोना भाइरसको पहिलो आयुर्वेदिक औषधि तयार भइसकेको छ। यसको नाम हामीले कोरोनिल राखेका छौँ।’

उनले पतञ्जलीले बनाएको उक्त औषधि बजारमा समेत किन्न सकिने जानकारी दिएका छन्। उनले भनेका छन्, ‘आयूर्वेदको विधिबाट तयार पारिएको कोरोनिल आगामी सात दिनमा पतञ्‍जलीको स्टोरबाट पाउन सकिन्छ।’ यसका साथै उनले सोमबारसम्‍म एक एप सार्वजनिक गरिने जसको माध्‍यमबाट यो घरघरमा पुग्‍ने दाबी गरेका छन्।

पत्रकार सम्‍मेलनमा उनले आज एलोपेथिक सिष्टमले औषधिलाई नेतृत्व गरिरहेको भए पनि पतञ्‍जलीले भने क्लिनिल कन्ट्रोलको अध्‍ययन गरेर औषधिको परीक्षण गरेको दाबी गरे। उनले भने, ‘हामीले परीक्षण गरेको औषधिले तीन दिनमा ६५ प्रतिशत रोगी पोजिटिभबाट नेगेटिभ भइसकेका छन्। कोरोना संक्रमित व्‍यक्ति सात दिनमा सतप्रतिशत ठीक हुन्छ।’

उनले कोरोनाको विरामीलाई कोरोनिलले शतप्रतिशत ‘रिकभर’ र शून्‍य प्रतिशत मृत्युको रेट राखिएको दावी गरेका छन।

आफूमाथि अहिले धेरै प्रश्‍न आए पनि सबै वैज्ञानिक तथ्यहरुलाई आधार मान्दै कोरोनिलको तयार गरेको उनो भनाइ छ। उनले पत्रकार सम्‍मेलनमा भने, ‘हामीसँग सबै प्रश्‍नको जवाफ छ, किनकि हामीले सबै वैज्ञानिक नियमको पालना गरेका छौं।’

यस्तै उनले उक्त औषधि बनाउन स्वदेशी सामग्रीको मात्रै प्रयोग गरी तयार पारिएको बताएका छन। उनका अनुसार उक्त औषधिमा गुर्जो, अश्‍वगन्धा, तुलसी र श्वासारी मिसाएर बनाइएको छ जसले शरीरको रोग प्रतिरोधात्मक क्षमता बढाउँछ।

यसका साथै बाबा रामदेवले कोरोनिल भारतीय ६ सय रुपैयाँमा पाउने जानकारी दिएका छन्। उक्त कोरोना किटमा कोरोनिलका साथै श्‍वासारी बुटी र अणु तेल समेत उपलब्ध हुनेछ। यी तीनवटै औषधि सेवन गर्नाले कोरोना निको हुने रामदेवले दाबी गरेका छन्।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार