जेठ ६, २०८१ आइतबार
May 19, 2024
न्युज डेस्क
२०७७ असार ११, बिहिबार
काठमाण्डौंः राष्ट्रपति विद्यादेवी भण्डारीले संघीय-संसद्को दुवै सदनको बैठकबाट पारित भई प्रमाणीकरणका लागि पेश हुन आएका तीनवटा विधेयक प्रमाणीकरण गरेकी छन् ।
प्रमाणीकरण भएका विधेयकमा शिक्षासम्बन्धी केही नेपाल ऐन संशोधन गर्न बनेको विधेयक, खेलकुद विकास सम्बन्धी कानूनलाई संशोधन र एकीकरण गर्न बनेको विधेयक र रेडियोधर्मी पदार्थको उपयोग तथा नियमन सम्बन्धमा व्यवस्था गर्न बनेको विधेयक छन् ।
राष्ट्रपतिबाट यी विधेयकहरू नेपालको संविधानको धारा ११३ को उपधारा (२) बमोजिम प्रमाणीकरण गर्नुभएको जानकारी राष्ट्रपति कार्यालयका प्रवक्ता हरिप्रसाद दाहालले जानकारी दिए ।
राष्ट्रपतिले विधेयक प्रमाणीकरण गर्नुभएपछि ती विधेयक ऐन बनेका छन् र कार्यान्वयनमा आएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया