मुख्यमन्त्री कार्कीलाइ राजीनामा दिन शेरधन राईको दबाब

काठमाडौं । नेकपा एमाले कोशी प्रदेशमा मुख्यमन्त्री मुख्यमन्त्री हिक्मतकुमार कार्कीलाई पदबाट राजीनामा दिन दबाब दिएपछि नेकपा एमालेभित्र पुनः नेतृत्व चयनबारे बहस चर्किएको छ । शनिबार एमाले कोशी प्रदेशका इन्चार्ज तथा केन्द्रीय सचिव शेरधन राईले कार्कीसँग भेट गरेर राजीनामा दिन आग्रह गरेका हुन् । मुख्यमन्त्री कार्कीले भने पार्टीको आधिकारिक धारणा सार्वजनिक भएपछि मात्र आफुले निर्णय लिने अडान कायम राखेका छन् ।

मुख्यमन्त्री कार्कीले संविधानको धारा १६८ (५) बमोजिम नियुक्त भएकाले राजीनामा दिन आफु तयार नभएको अडान दोहो¥याएका हुन् । आफू विधि र प्रक्रियाको पक्षमा रहेको भन्दै पार्टीको संस्थागत निर्णय नआएसम्म राजीनामा नदिने उनले बताएको स्रोतको दाबी छ ।

नयाँ सरकार गठनका लागि सक्रिय बनेसँगै राइले प्रदेश सांसदहरूसँग छलफल गरेका थिए । कोशीमा नयाँ सरकार गठन बारे नयाँ समाचार सार्वजनिक हुने राईको दाबी छ । एमाले अध्यक्ष ओलीको निर्देशन नमान्दा कोशी प्रदेशका मुख्यमन्त्री हिक्मतकुमार कार्कीविरुद्ध एमाले सांसदले दलको नेताबाट हटाउने प्रयास सुरु गरेका छन् । मुख्यमन्त्री कार्कीलाई दलको नेताबाट हटाउन संसदीय दलको विधानमा दुई तिहाइ बहुमत आवश्यक पर्ने व्यवस्था छ ।