श्रावण २, २०८१ बुधबार July 17, 2024

अमेरिकी पुर्व सभामुख पेलोसी दलाई लामालाई भेट्न भारतमा

पेलोसी ६ अमेरिकी सांसदको प्रतिनिधिमण्डलसहित भारत भ्रमणमा

शेयर गर्नुहोस:
फन्ट परिवर्तन गर्नुहोस:

काठमाडौँः अमेरिकी तल्लो सदनकी पूर्व सभामुख न्यान्सी पेलोसी २ दिने भारत भ्रमणमा आएकी छन् । पेलोसीले तिब्बती धर्मगुरु दलाई लामासँग भेट गर्न भारत आएको मिडिया रिपोर्टमा बताइएको छ ।  पेलोसी ६ अमेरिकी सांसदको प्रतिनिधिमण्डलसहित भारत आएकी छन् ।

न्यान्सी यसअघि मे २०१७ मा दलाई लामालाई भेट्न भारत आएकी थिइन् । त्यसपछि चीनले अमेरिकालाई तिब्बत मामिलामा हस्तक्षेप नगर्न चेतावनी दिएको थियो। पेलोसीले लामो समयदेखि तिब्बतको स्वतन्त्रतालाई समर्थन गर्दै आएकी छन् ।

अमेरिकामा जुन १२ मा तिब्बतसँग सम्बन्धित विधेयक पारित भएको थियो । तिब्बतबारे चीनले विश्वभर फैलाएको झुटको अमेरिकाले जवाफ दिने बताएको थियो । यस अवधिमा अमेरिकी अधिकारीहरूले तिब्बत आफ्नो हिस्सा भएको चीनको दाबीलाई पनि अस्वीकार गर्नेछन् ।

तिब्बतलाई समर्थन गरेकोमा चीनले सधैं अमेरिकाको विरोध गर्दै आएको छ । यस्तो अवस्थामा न्यान्सी पेलोसीको यो भ्रमणले थप विवाद बढाउन सक्ने विश्लेषण गरिएको छ ।

पेलोसी त्यही अमेरिकी नेता हुन् जसको २०२२ मा ताइवानको भ्रमणलाई चीनले धम्की दिएको थियो । त्यसपछि न्यान्सीको विमानलाई अमेरिकी नौसेना र वायुसेनाका २४ उन्नत लडाकु विमानहरूले एस्कर्ट गरेका थिए । यस अवधिमा चीनले ताइवानलाई चारैतिरबाट घेरेर युद्धाभ्यास पनि गरेको थियो ।

न्यान्सी पेलोसीले धर्मशालाको २००८ भ्रमणको क्रममा अमेरिकाले तिब्बतमा मानव अधिकारको रक्षा गर्न आफ्नो कार्य जारी राख्ने बताएकी थिइन् । उनले सन् २०१९ मा संसदमा ‘द तिब्बत नीति ऐन’ पारित गर्न सहयोग गरेकी थिइन् । यस कार्यमार्फत अमेरिकाले तिब्बतको पहिचान बचाउन आवाज उठाएको छ । पेलोसीकै कारण अमेरिकामा दलाई लामाको कद बढेको छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया