सुनको मूल्य महङ्गियो

काठमाडौंः विश्व महामारी कोरोना भाईरसका कारण अन्तर्राष्ट्रिय बजारमा अस्थिर रहेको सुनको मूल्य स्थानीय बजारमा आज अप्रत्याशित रुपमा महङ्गिएको छ ।

आइतबार छापावाल सुनको मूल्य प्रतितोला ९१ हजार ३ सय रुपैयामा कारोवार भएको छ भने सोही परिमाणको तेजाबी सुनको मूल्य ९० हजार ८६० रुपैयाँ निर्धारण गरिएको छ।

नेपाल सुनचाँदी व्यवसायी महासंघका अनुसार अघिल्लो साताको तुलनामा चाँदीको मूल्यमा ५ रुपैयाँले वृद्धि भएको छ। एक तोला चाँदीको मूल्य ९ सय ४५ रुपैयाँ तोकिएको छ।

कोभिड-१९ को संक्रमण रोक्न बन्दाबन्दी लागू गरिएयता जेठ २५ गते एक तोला सुनको मूल्य १० हजार ४०० रुपैयाँले बढेर ८७ हजार रुपैयाँ पुगेको थियो।