कोरोनाका कारण सुदूरपश्चिममा ६ जनाको मृत्यु

काठमाण्डाैंः विश्वमहामारी (कोभिड-१९) कोरोना भाइरसका कारण हालसम्म सुदूरपश्चिम प्रदेशमा ६ जनाको ज्यान गएको छ ।

शनिबार मात्रै कोरोना भाइरसका कारण कैलालीको गोदावरी नगरपालिकाका एक व्यक्तिको मृत्यु भएपछि सुदूरपश्चिम प्रदेशमा यो रोगका कारण मृत्यु हुनेको संख्या ६ पुगेको हो ।

भारतबाट रोजगारी गरी घर फर्किएका स्थानीयमा कोरोना संक्रमण देखिन थालेको हो । चितवनको भरतपुरस्थित क्यान्सर अस्पतालमा उपचारमा रहेका गोदावरी नगरपालिका-७ का ५० वर्षीय पुरुषको उपचारका क्रममा शनिबार मृत्यु भएको सुदूरपश्चिम प्रदेश स्वास्थ्य निर्देशनालय दिपायल राजपुरले जनाएको छ ।

कोरोना भाइरस (कोभिड-१९) को संक्रमणका कारण यसअघि बाजुराका दुई र कैलालीका तीन जनाको मृत्यु भएको थियो ।