असार ३०, २०८१ आइतबार July 14, 2024

युक्रेनी बाल अस्पतालमा रुसको आक्रमण, कम्तीमा २३ जनाको मृत्यु

रुसको क्षेप्यास्त्र आक्रमणबाट किभको बाल अस्पताल ध्वस्त

शेयर गर्नुहोस:
फन्ट परिवर्तन गर्नुहोस:

काठमाण्डौंः रुसले युक्रेनको एउटा बाल अस्पतालमा क्षेप्यास्त्र प्रहार गर्दा कम्तीमा २३ जनाको ज्यान गएको छ । युक्रेनको राजधानी किभमा रहेको एक बाल अस्पताल लगायतका क्षेत्रमा भएको आक्रमणमा उनीहरुको ज्यान गएको बीबीसीले जनाएको छ । रुसको क्षेप्यास्त्र आक्रमणबाट किभको बाल अस्पताल ध्वस्त भएको छ ।

यस्तै बीबीसीका अनुसार रुसले युक्रेनी सहर क्राइभी रिहमा गरेको अर्को आक्रमणमा १० जनाको मृत्यु भएको र ३१ जना घाइते भएका छन् ।

रुसले आक्रमणमा सबैभन्दा अत्याधुनिक हतियारमध्येको एक किन्झाल हाइपरसोनिक क्षेप्यास्त्र प्रयोग गरेको युक्रेनी सेनाले जनाएको छ । किन्झाल ध्वनि गतिभन्दा १० गुणा बढी गतिमा उड्ने भएकोले यसलाई रोक्न गाह्रो हुन्छ । बिस्फोटका कारण शहरका भवन हल्लिएका थिए ।

युक्रेनका राष्ट्रपति भोलोदिमिर जेलेन्स्कीले रूसले आज विभिन्न प्रकारका ४० भन्दा बढी क्षेप्यास्त्र प्रहार गरेर अपार्टमेन्ट भवन र सार्वजनिक संरचनामा प्रहार गरेको बताएका छन् ।एजेन्सी।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया