असार २३, २०८२ सोमबार
July 7, 2025
न्युज डेस्क
२०७७ असार २२, सोमबार
काठमाण्डौंः पार्टीभित्रको आन्तरिक विवाद मिलाउन सत्तारुढ दल नेपाल कम्युनिष्ट पार्टी (नेकपा) का अध्यक्षद्वयबीच आज सोमबार पनि छलफल भएको छ ।
हिजो अन्य केही नेतासहित अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल ‘प्रचण्ड’ बीच भएको थियो । सो छलफलमा पार्टीभित्रको उत्पन्न विवाद मिलाउन सहमतिको खाका तय गर्ने अनौपचारिक समझदारी भएकामा त्यसैको निरन्तरतामा आज दुबै अध्यक्षबीच प्रधानमन्त्री निवास बालुवाटारमा छलफल भएको हो ।
सहमतिको प्रयासका लागि आज दुबै अध्यक्षबीच एक्लाएक्लै भेटवार्ता भएको प्रधानमन्त्रीका प्रेस सल्लाहकार सूर्य थापाले जानकारी दिए । सरकार र पार्टीको सम्बन्ध, कोरोना रोकथाम, एमसिसी, पार्टी एकताका बाँकी काम लगायतका कार्यसूचीसहित असार १० गतेदेखि जारी नेकपाको स्थायी कमिटीको बैठक असार २४ गतेसम्मका लागि स्थगित भएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया