केएमसी अस्पतालमा विहीबार राती मृत्यु भएका एक जना पूरुषमा कोरोना संक्रमण पुष्टिः मृतकको संख्या ३६ पुग्यो

काठमाण्डाैंः काठमाण्डौं मेडिकल कलेज (केएमसी) शिक्षण अस्पताल सिनामंगलमा विहीबार राती मृत्यु भएका एक जना पूरुषमा कोरोना संक्रमण पुष्टि भएको छ ।

गोकर्ण निवासी ५४ बर्षिय पुरुष एकसाता अघि त्रिवि शिक्षण अस्पताल महाराजगजमा निमोनियाको उपचारका लागि बुधबार पुगेका थिए । मृतक पुरुष मृगौलाको पुरानो बिरामी एको र विगतमा पनि सोही अस्पतालमा उपचार गराउँदै आएकोले शिक्षण अस्पतालमा बेड खाली नभएकाले केएमसी रिफर गरिएको अस्पतालका मेडिकल डाईरेक्टर डा.मुकुन्दराज जोशीले जानकारी दिए ।

डा. जोशीका अनुसार मृतक व्यक्तिलाई पहिलानै कोरोना संक्रमणको आशंकामा छुटटै कोठामा सुरक्षा अपनाएर उपचार गरिदै आएको र थ्रोट स्वाब संकलन गरि परिक्षणका लागि टेकू पठाईएको थियो । रिपोर्ट २६ गते आयो उनको मृत्यु २५ गते नै भयो ।

अस्पतालले बिरामी देखि नै सतर्कता अपनाई उपचार गर्नुका साथै शवलाई पनि कोरोना संक्रमितलाई गर्ने व्यवस्थापनमै राखेकाले आत्तिनुपर्ने अवस्था छैन् । पूर्व तयारी अवस्थामा नै उपचार गरिएको थियो ।

मृत्युपछि सरकारी निकायको शव व्यवस्थापन टीम २६ गते रिपोर्ट प्राप्त भएपछि जानकारी गराईएको भएपनि टीम व्यस्त भएकाले २७ गते बिहान मात्र अस्पतालबाट उक्त टीमले शब उठाएको डा.जोशीले जानकारी दिए ।

कोरोना पुष्टि भएपछि मापदण्डअनुसार संक्रमितको शवलाई पशुपति स्थित इलेक्ट्रोनिक शव दाह गृहमा नेपाली सेनाले शनिबार बिहान व्यवस्थापन गरेको डा. जोशीले बताए । योसँगै नेपालमा कोरोना भाइरसबाट मृत्यु हुनेको संख्या ३६ पुगेको छ ।