कार्तिक ३, २०८३ मंगलबार
October 20, 2026
युग खबर
२०७७ असार २८, आइतबार
काठमाडौंः निर्वाचन आयोगले तत्कालीन समाजवादी पार्टी नेपाल र राष्ट्रिय जनता पार्टी (राजपा)बीच एकता भएर बनेको जनता समाजवादी पार्टी (जसपा)लाई औपचारिक दलको मान्यता प्रदान गरेको छ ।
आयोगले जसपालाई आइतवार एकिकरर्णाको प्रमाणपत्र उपलव्ध गराएको हो । निर्वाचन आयोगकी सचिव देव कुमारी गुरागाईँले समाजवादी पार्टी र र राष्ट्रिय जनता पार्टी नेपाल एकीकरण भएर जनता समाजवादी पार्टी नेपाल भएको प्रमाणपत्र प्रदान गरेकी हुन् ।
जनता समाजवादी पार्टी, नेपालका अध्यक्षद्वय महन्थ ठाकुर र उपेन्द्र यादवले प्रमाणपत्र प्रदान गरेकामा निर्वाचन आयोगलाई धन्यवाद दिएका छन् । यसैबिच अध्यक्षद्वय ठाकुर र यादवले निकालेको विज्ञप्तिमा अग्रगामी परिवर्तनका पक्षधर, संघीयता, राष्ट्रिय पहिचान, सुशासन, लोकतन्त्र, समृद्धि, सामाजिक न्याय र समाजवादप्रति समर्पित रहन सबै राजनीतिक शक्ति र व्यक्तिहरुलाई आव्हान पनि गरेका छन् ।
त्यस्तै, पूर्वमन्त्री एवं जसपाका नेता मोहम्मद इस्तियाक राइले पनि जनता समाजवादी पार्टी,नेपाललाई औपचारिकता प्रदान गरेकोमा निर्वाचन आयोग लगायत सबैमा हार्दिक बधाई एवं धन्यवाद ज्ञापन गरेका छन् ।
दुई दलले पार्टी एकताको औपचारिक निर्णय गर्दै वैशाख १२ गते एकिकरणका लागि आयोगमा निवेदन दर्ता गराएका थिए ।
आयोगले एकिकरणको प्रमाणपत्र दिएपछि अध्यक्षद्वय महन्थ ठाकुर र उपेन्द्र यादवले संयुक्त विज्ञप्ति प्रकाशित गरी संघीयता, अग्रगमन र पहिचान पक्षधरलाई एक हुन अपील गरेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया