नेपाल मेडिकल कलेजको प्रबन्ध निर्देशकमा यासमिन नियुक्त

काठमाण्डौः नेपाल मेडिकल कलेजको प्रबन्ध निर्देशकमा डा. साविहा यासमिन नियुक्त भएकी छिन्।

कलेज सञ्चालक समितिको बैठकले यसअघि डाइरेक्टर रहेकी उनलाई प्रबन्ध निर्देशकमा नियुक्त गरेको हो। बुधबार एक कार्यक्रमका बिच कलेजका अध्यक्ष प्रा.डा. जैनुद्धिन अन्सारीले नवनियुक्त प्रबन्ध निर्देशक डा यासमिनलाई पदभार ग्रहण गराए।

पदभारपछि बोल्दै नवनियुक्त डा. यासमिनले आफुलाई सफल बनाउन सबैको साथ सहयोग चाहिएको भन्दै विगतमा कलेज प्रशासन, चिकित्सक, कर्मचारीले राम्रो साथ दिएको र आगामी दिनमा पनि साथ सहयोग पाउने अपेक्षा गरेको बताइन्।

कार्यक्रममा कलेजका डाइरेक्टर प्राडा मोदनाथ मरहठ्ठा, डा राजेश किशोर श्रेष्ठ लगायतको उपस्थिती थियो।