मंग्सिर ६, २०८३ आइतबार November 22, 2026

डाँडाफयाँ गाउँका जुमा र झोपा बिरामी पर्न थाले

अज्ञात रोगले झोपा मर्न थालेपछि धनजनको क्षति हुनुका साथै खेत जोत्न पनि समस्या

शेयर गर्नुहोस:
फन्ट परिवर्तन गर्नुहोस: अ अ अ

सिमकोट (हुम्ला), २० कात्तिक । सिमकोट गाउँपालिका–७ डाँडाफयाँका पशुवस्तुमा अज्ञात रोगको सङ्क्रमण देखिएको छ । केही दिनयतादेखि डाँडाफयाँ, थाया, जबुका गाउँलगायतका चौपायमा अज्ञात रोग देखिन थालेको स्थानीयले बताएका छन् ।

यहाँका जुमा र झोपाले घाँस नखाने, र्याल काढ्नेलगायत रोग देखिन थालेको स्थानीय डबल सिंहले बताउनुभयो । आफ्नालगायत अन्य जुमा, झोपा पुशमा यस्तो लक्षण देखिएको उहाँले बताउनुभयो । हालसम्म दुईवटा झोपा अज्ञात रोगले मरेका छन् । झोपाको मूल्य पछिल्लो समय रु ८० हजारसम्म पर्ने गरेको छ । खेत जोत्नका लागि पालिएका झोपा अज्ञात रोगले मरेपछि ठूलो नोक्सानी हुने यहाँका किसानले गुनासो पोखेका छन् ।

अज्ञात रोगले झोपा मर्न थालेपछि धनजनको क्षति हुनुका साथै खेत जोत्न पनि समस्या हुने सिंहको गुनासो छ । तिहार बिदा भए पनि सोमबार पशु अस्पताल तथा पशु सेवा कार्यालय सिमकोट पुगेर औषधि लिएर आएको उहाँले बताउनुभयो ।

डाडाफयाँमा फैलिएको अज्ञात रोगका विषयमा पशु अस्पताल तथा पशु सेवा कार्यालयमा जानकारी लिँदा पशुवस्तुमा लागेको रोग प्रष्ट पहिचान हुन नसकेको कार्यालयले जनाएको छ । तिहार बिदामा पनि कार्यालयमा औषधि माग्न पुगेका किसानले भनेका आधारमा औषधि पठाएको पशु अस्पतालका निमित्त प्रमुख कृष्ण रोकायाले बताउनुभयो । बिदाको समय भए पनि किसान औषधि माग्न पुगेपछि आफूले औषधि दिएर पठाएको निमित्त कार्यालय प्रमुख रोकायाले बताउनुभयो । गाउँमा रोग फैलिए पनि बिदाको समय भएकाले कुन रोग देखिएको हो प्रष्ट हुन नसकेको बताइएको छ ।

निमित्त कार्यालय प्रमुख रोकायाका अनुसार किसानले पशुवस्तुमा देखिएको रोगको उपचारका लागि प्राविधिक खटाइदिन आग्रह गर्न सिमकोट गाउँपालिकामा जानुपर्ने बताउनुभयो । पशु कार्यालयमा त्यत्ति धेरै बजेट नहुने भएकाले पछिल्ला वर्षमा औषधि खरिदलगायत सबै बजेट पालिकामा जाने भएकाले प्राविधिक र औषधि मागका लागि किसान गाउँपालिका जानुपर्ने उहाँले बताउनुभयो ।

पशुवस्तुमा देखिएको रोग र औषधिको अवस्थाबारे गाउँपालिका पशु शाखामा बुझ्न खोज्दा सम्पर्क हुन नसकेको हो । पालिकाभित्रका पशुवस्तुमा देखिने रोग र रोकथामका साथै पशु क्षेत्रमा सिमकोटले बजेट छुट्याए पनि यहाँका किसानले बर्सेनि पशुवस्तुमा देखिने विभिन्न रोगले पशु मर्दा नोक्सानी व्यहोर्दै आएका छन् । अहिलेसम्म औषधिसमेत गाउँपालिकाबाट नपाएको गुनासो गरेका छन् । रासस

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
झापा महिला गोल्डकप : १० गोल गर्दै आर्मीले काट्यो सेमिफाइनलको टिकट
२०८३ मंग्सिर ६, आइतबार
प्रधानमन्त्री शाहसँग भारतीय विदेशमन्त्रीको शिष्टाचार भेट
२०८३ मंग्सिर ६, आइतबार
नेपाललाई हिन्दु राष्ट्रबाट धर्मनिरपेक्ष राष्ट्र बनाउनुमा राजनीतिक दलहरूको भुमिका : अध्यक्ष लिङ्देन
२०८३ मंग्सिर ६, आइतबार
अमेरिकाबाट निष्कासित दुई महिलासहित २५ आप्रवासी लाइबेरिया पुगे
२०८३ मंग्सिर ६, आइतबार
प्रधानमन्त्री बालेन दिल्लीमा, राज्यमन्त्री जितिन प्रसादले गरे स्वागत
२०८३ मंग्सिर ६, आइतबार
प्रधानमन्त्री शाहको भ्रमणबाट नेपाल-भारत सम्बन्ध थप सुदृढ हुने रास्वपाको विश्वास
२०८३ मंग्सिर ६, आइतबार
प्रधानमन्त्री शाह दुईदिने राजकीय भ्रमणका लागि भारत प्रस्थान
२०८३ मंग्सिर ६, आइतबार