अभिनेता दिलीप रायमाझीलाई पितृशोक

कीर्तिपुर । अभिनेता दिलीप रायमाझी पितृ शोकमा पर्नुभएको छ । उहाँका पिता आनन्दकुमार रायमाझीको ७८ वर्षको उमेरमा शुक्रबार राति कीर्तिपुर अस्पतालमा निधन भएको हो । उहाँ लामो समयदेखि विभिन्न स्वास्थ्य समस्याबाट पीडित हुनुहुन्थ्यो ।

दिलीप ‘मेरो डान्स युनिभर्स’को अडिशनका क्रममा अमेरिका, जापान, थाइल्याण्ड हुँदै भारतबाट शुक्रबार राति ११ बजे काठमाडौं आइपुग्नुभएको थियो ।

अन्तिम समयमा रायमाझीले बुबालाई भेट्न पाउनुभएको थियो । पिताको अन्त्येष्टि शनिबार पशुपति आर्यघाटमा गरिएको छ ।