उच्चस्तरीय राजनीतिक संयन्त्रको बैठक बालुवाटारमा जारी

काठमाडौं । उच्चस्तरीय राजनीतिक संयन्त्रको बैठक बसिरहेको छ । प्रधानमन्त्रीको सरकारी निवासमा बैठक जारी छ । सत्तारुढ दलहरुबीच नै सरकारको भविष्यलाई लिएर आशंका उब्जिरहेका बेला आज नेपाली कांग्रेस र नेकपा एमालेको उच्चस्तरीय राजनीतिक संयन्त्रको बैठक बसेको हो ।

सरकारको कामका विषयलाई लिएर नेपाली कांग्रेसका महामन्त्री गगन थापालगायतका नेताले चर्को आलोचना गरेपछि उच्चस्तरीय राजनीतिक संयन्त्रको बैठक बस्न लागेको हो ।

बैठकमा सरकारको कामकारबाहीलाई प्रभावकारी बनाउने र गठबन्धन दलले आलोचना नगर्ने विषयमा छलफल हुने  बताइएको छ ।

बैठकमा प्रधानमन्त्री तथा नेकपा एमाले अध्यक्ष केपी ओली बरिष्ठ उपाध्यक्ष ईश्वर पोखरेल , अर्थमन्त्री तथा पार्टीका उपाध्यक्ष बिष्णु पौडेल, महासचिब शंकर पोखरेल र उपमहासचिव बिष्णु रिमाल सहभागी हुनुहुन्छ । यसैगरी नेपाली काग्रेसमा सभापति शेरबहादुर देउवा , परराष्ट्रमन्त्री डा आरजु राणा देउवा र गृहमन्त्री रमेश लेखक सहभागी हुनहुन्छ ।