कार्तिक ९, २०८३ सोमबार
October 26, 2026
युग खबर
२०७७ भाद्र ४, बिहिबार
काठमाण्डौः नायिका पूजा शर्मा र पत्रकार प्रकाश सुवेदीबीच मिलापत्र भएको छ । अन्नपूर्ण ग्रुपका अध्यक्ष रामेश्वर थापा र कलाकार संघको उपस्थितिमा पूजा र प्रकाशबीच मिलापत्र भएको हो ।
पत्रकार सुवेदीले आउँदा दिनमा पुनःगल्ती नगर्ने लिखित प्रतिबद्धता जनाएपछि मिलापत्र भएको चलचित्र कलाकार संघका अध्यक्ष रवीन्द्र खड्काले जानकारी दिए । “उहाँलाई घुँडा टेकाउनुपर्छ भन्ने हाम्रो उद्देश्य थिएन । मात्रै यस्ता खालका गल्ती पुनः नहुन् भन्ने चाहना थियो । प्रकाशजीले लिखित रुपमा आउँदा दिनमा गल्ती गर्दिनँ भनेपछि मिलापत्र भयो,” अध्यक्ष खड्काले भने, “उहाँले माफी मागिसकेपछि अब यो घटना यहीँ टुगिंएको छ ।”
प्रकाशले आफ्नो मानमर्दन गरेको भन्दै पूजाले कलाकार संघसँगै प्रेस काउन्सिल र महिला आयोगमा उजुरी दिएकी थिइन् ।
एपीवान टेलिभिजनको कार्यक्रम रजतपटमार्फत पत्रकार तथा प्रस्तोता प्रकाशले आफूलाई अपमानित हुने गरी कार्यक्रम तयार पारेर प्रस्तुत गरेको भन्दै नायिका पूजाले काउन्सिल र आयोगमा उजुरी दिएकी थिइन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया