काठमाडौंमा बलात्कारको आरोपमा प्रहरी पक्राउ

काठमाडौंः काठमाडौंमा २१ बर्षिया युवतीको बलात्कार प्रयासको आरोपमा एक जना प्रहरी जवान पक्राउ परेका छन् । दार्चुला घर भई महानगरीय प्रहरी वृत्त गौशालामा कार्यरत प्रहरी जवान उपेन्द्र सिंहलाई गौशाला प्रहरीले नियन्त्रणमा लिएको गरिएको गौशालाका डीएसपी जितेन्द्र बस्नेतले बताए ।

उनलाइ काठमाडौंको गौशाला बस्ने २१ वर्षीया युवतीले दिएको जाहेरीका आधारमा पक्राउ गरिएको हो । युवतीले आफुमाथी जबरजस्ती करणी गरेको आरोप लगाउँदै आइतबार गौशाला प्रहरीमा जाहेरी दिएकी थिइन् ।

प्रहरीको प्रारम्भिक अनुसन्धानमा जवान र पीडित भनिएको युवतीबीच पहिल्यैदेखि चिनजान रहेको पाइएको छ । प्रहरीका अनुसार थप अनुसन्धानका लागि मंगलबार म्याद थप गर्न पठाइएको छ ।