सरकारी कर्मचारीलाई नयाँ सुरक्षा एडभाइजरी

काठमाडौं । सरकारले सबै निकायका सूचना प्रणाली विभागका कर्मचारीका लागि नयाँ साइबर सुरक्षा एडभाइजरी जारी गरेको छ । राष्ट्रिय साइबर सुरक्षा केन्द्रले आइतबार सरकारी प्रणालीका प्रयोगकर्ता तथा डेटाबेस र सिस्टम सञ्चालनकर्तालाई लक्षित गर्दै एडभाइजरी सार्वजनिक गरेको हो ।

सरकारी सिस्टम प्रयोगकर्ताहरूलाई प्रत्येक अकाउण्टका लागि कम्तीमा १२ अक्षरको स्पेशल क्यारेक्टर सहितको पासवर्ड राख्न अथवा पासवर्ड म्यानेजर प्रयोग गर्न भनिएको छ । सम्भव भएसम्म मल्टिफ्याक्टर अथिन्टिकेसन प्रयोग गर्न, प्रयोग गरिएका अकाउण्टमा स्क्रिन लक, पासवर्ड तथा प्याट्रन अनिवार्य राख्न भनिएको छ ।

केन्द्रले सफ्टवेयरहरू आधिकारिक वेवसाइटबाट मात्र डाउनलोड गर्न, भाइरस स्क्यान गरेर मात्र पेनड्राइभहरू प्रयोग गर्न भनेको छ । साथै उपकरण वा प्रणालीमा असामान्य गतिविधि देखिए तुरुन्तै सूचना प्रविधि महाशाखा/शाखा वा इकाइमा जानकारी गराउन भनेको छ ।

त्यस्तै, डेटाबेस र सिस्टम सञ्चालकहरूलाई एसएट्टएच पब्लिक किइ अथेन्टिकेसन प्रयोग गर्न, पासवर्ड साधारण फाइल र नोटप्याडमा नराखी सुरक्षित भल्टमा राख्न भनेको छ । साथै आन्तरिक सरकारी सञ्चार र सेवाहरूको लागि प्रयोग हुने इन्ट्रानेलाई सार्वजनिक र खेला इन्टरनेटबाट अलग गर्न भनिएको छ । त्यस्तै, सूचना प्रविधि प्रणाली र उपकरणमा देखिएका असामान्य ती विधिका लागि सेन्ट्रलाइज्ड लग मेनेजमेन्ट सिस्टममा आबद्ध गराई स्वचालित अलर्ट र मोनिटरिङ सेटअप गर्न पनि निर्देश गरिएको छ ।

त्यस्तै, डेटा सेन्टर र सर्भर कोठामा सिसीटिभी अनुगमनको व्यवस्था गर्न र अधिकृत व्यक्तिलाई मात्र पहुँचको अनुमति दिन भनेको छ । केन्द्रले वार्षिक रूपमा कुनै कोड परिवर्तन भए सुरक्षा जोखिमसम्बन्धी अध्ययन गराउन पनि भनेको छ । हिमालय टाइम्स