श्रावण २९, २०८३ शुक्रबार
August 14, 2026
युग खबर
२०७७ असोज १, बिहिबार
काठमाण्डाैंः ललितपुरबाट १ हजार दरका ४ सय ६५ थान नक्कली नोट बरामद गरिएको छ ।
ललितपुर महानगरपालिका–१४ ताल्छीखेलबाट बिहीबार जयनाथ दुर्गा जेम्स एण्ड ज्वेलरी सुन पसलमा आएका २ जना अपरिचित पुरुषहरुबाट १ हजार दरका ४ सय ६५ थान नक्कली नोट बरामद भएको ललितपुर प्रहरीले जनाएको छ ।
पसलमा आएका २ जना अपरिचित पुरुषले ५ तोला बराबरको सुनको हार खरिद गर्ने क्रममा नक्कली नोट दिएर फरार भएको सूचनाको आधारमा महानगरीय प्रहरी वृत्त सातदोबाटोबाट खटिएको टोलीले सो नक्कली नोट बरामद गरेको हो ।
सुन पसलेका अनुसार बिल समेत नलिई उनीहरु फरार भएको प्रहरीले जनाएको छ । प्रहरीका अनुसार ५ गड्डीमा ४६५ थान नक्कली नोट र प्रत्येक गड्डीको माथिल्लो भागमा १र१ थान सक्कली नोट बरामद भएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया