फिलिपिन्समा डुंगा डुब्दा मृत्यु हुनेको संख्या ५२ पुग्यो

मनिला । दक्षिणी फिलिपिन्सको बासिलान प्रान्तमा मा एउटा डुंगा डुब्दा मृत्यु हुनेको सङ्ख्या ५२ पुग्नुका साथै २७ जना अझै बेपत्ता रहेको फिलिपिन्स कोस्ट गार्ड (पिसिजी) ले बुधबार जनाएको छ ।

विभिन्न पक्षसँगको प्रमाणीकरणको आधारमा, एमभी त्रिशा केस्र्टिन–३ डुंगामा सवार व्यक्तिहरूको सङ्ख्या ३७२ रहेको पुष्टि भएको पीसीजीले  उल्लेख गरेको छ, जसले डुंगा डुब्ने घटनाको दुई हप्ताको अनुसन्धान पछि अद्यावधिक तथ्यांक जारी गरेको हो ।

प्रारम्भिक अनुसन्धानका आधारमा पुष्टि भएका जीवितहरूको संख्या २९३ मा समायोजित गरिएको छ । पूर्ण पहिचान प्रमाणीकरण प्रक्रिया पछिको संशोधनमा सूचीबद्ध यात्रुहरू र अघोषित चालक दलका सदस्यहरू दुवै समावेश भएको पीसीजीले जनाएको छ । रासस/सिन्हा