मंग्सिर ३, २०८३ बिहिबार November 19, 2026

पिएम कपमा कोशीमाथि पुलिसको सानदार जित

प्रतियोगिताको विजेता टोलीले १० लाख र उपविजेता टोलीले पाँच लाख रुपियाँ पुरस्कार पाउने

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ। विभागीय टोली नेपाल पुलिस क्लबले प्रधानमन्त्री कप पुरुष राष्ट्रिय क्रिकेट प्रतियोगितामा कोशी प्रदेशमाथि सानदार जित निकालेको छ ।

वीरगन्जस्थित नारायणी क्रिकेट मैदानमा मंगलबार भएको खेलमा पुलिसले कोशीलाई ६ विकेटले हरायो । जितका लागि एक सय ६३ रनको लक्ष्य पछ्याएको पुलिसले ३३.५ ओभरमा चार विकेटको क्षतिमा एक सय ६५ रन जोड्दै लक्ष्य पूरा गरेको हो ।

पुलिसको जितमा कप्तान आरिफ शेख र रसिख खानले अविजित अर्धशतकीय इनिङ्स बनाए । पाँचौँ ब्याट्सम्यानको रूपमा मैदान प्रवेश गरेका रसिदले अविजित ७३ र छैटौँ नम्बरमा प्रवेश गरेका आरिफले अविजित ८१ रन बनाए ।

रसिदले ९० बलमा आठ चौका र एक छक्का हाने । यस्तै आरिफले ७९ बलमा ११ चौका र एक छक्का हानेका थिए । पुलिसका सुरुवाती चार ब्याट्सम्यानले दोहोरो अंकमा रन बनाउन सकेनन् । ओपनर दिनेश खरेल दुई रनमा आउट हुँदा अन्य तीन ब्याट्सम्यान शून्य रनमा पेभेलियन फर्किएका थिए ।

बलिङमा कोशीका विपिन महतोले दुई तथा दिपेश कँडेलले एक विकेट लिए । यसअघि पहिले ब्याटिङ गरेको कोशीले ४२.५ ओभरका सबै विकेटको क्षतिमा एक सय ६२ रन बनाएको थियो ।

कोशीका लागि कप्तान सुजन थपलियाले सर्वाधिक ४८ रन बनाए । यस्तै ओपनर सुमन श्रेष्ठले ४३, अंकत सुवेदीले २६ र सिवास बजगाईँले १५ रन बनाए ।

बलिङमा पुलिसका दिनेश खरेलले पाँच विकेट लिए । ललित राजवंशी र सागर ढकालले दुई–दुई विकेट लिए। जितसँगै पाँच खेलबाट सात पुलिसले अंक बनाएको पुलिस शीर्षस्थानका उक्लिएको छ ।

समान खेलबाट एक अंक बनाएको कोशी अन्तिममा छ । एक खेल कम खेल्दै दोस्रो स्थानमा रहेको मधेश र तेस्रो स्थानमा रहेको त्रिभुवन आर्मीको पनि समान सात सात अंक छ ।

प्रतियोगितामा तीन विभागीय टोली नेपाल पुलिस, त्रिभुवन आर्मी र नेपाल एपिएफ क्लबसहित सात सात प्रदेश गरी १० टोलीको सहभागिता रहेको छ । प्रतियोगिताको विजेता टोलीले १० लाख र उपविजेता टोलीले पाँच लाख रुपियाँ पुरस्कार पाउने छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार