बैसाख २६, २०८३ शनिबार
May 9, 2026
युग खबर
२०७७ असोज ११, आइतबार
काठमाण्डौंः अब तपाईंले सामसङको नि:शुल्क टिभी सेवा लिन सामसङ टेलिभिजन किन्नुपर्दैन । सामसङले आफ्नो टिभी प्लस एपको एन्ड्रोइड भर्सन केही ग्यालेक्सी फोनहरुका लागि सार्वजनिक गरेको छ ।
सामसङले ग्यालेक्सी स्टोर र गुगल प्ले दुवैमा आफ्नो एप सार्वजनिक गरेको हो । ठूलो टिभी स्क्रिनमा जस्तै मोबाइल एपमा समेत प्रयोगकर्ताहरुले सयौं घण्टासम्म अन डिमाण्ड टिभी शाे र १३५ च्यानलहरुबाट फिल्म हेर्न सक्छन् । यसमा बालबालिकालाई नौवटा च्यानल छन् ।
तपाई सस्तो फोन प्रयोग गर्नुहुन्छ भने टिभीको क्वालिटीलाई तपाईको डिभाइसले सपोर्ट गर्न सक्दैन । सामसङले टिभी प्लस २०१५ मा ल्याएको थियो । महामारीको समयमा मानिसहरु भिडियो स्ट्रिमिङतिर आकर्षित भइरहेको अवस्थामा सामसङले आफ्नो सेवा नि:शुल्क उपलब्ध गराएको हो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया