असार ६, २०८३ शनिबार
June 20, 2026
युग खबर
२०८२ चैत्र २०, शुक्रबार
काठमाडौं । नेकपा एमालेको सचिवालय बैठक पार्टी केन्द्रीय कार्यालय च्यासलमा सुरु भएको छ । कार्यवाहक अध्यक्ष रामबहादुर थापा ‘बादल’को अध्यक्षतामा बैठक सञ्चालन भइरहेको पार्टी स्रोतले जनाएको छ ।
बैठकमा समसामयिक राजनीतिक अवस्था, संगठनात्मक विषयहरू तथा पार्टीभित्र देखिएका पछिल्ला विवादबारे छलफल हुने अपेक्षा गरिएको छ ।
यसअघि बिहीबार बसेको प्रतिनिधिसभाको पहिलो बैठकमा संसदीय दलका नेता समेत रहेका बादलले दिएको अभिव्यक्तिलाई लिएर एमालेभित्र असन्तुष्टि देखिन थालेको छ । सो अभिव्यक्तिपछि पार्टीभित्र विभिन्न तहमा आलोचना सुरु भएको बताइन्छ ।
पार्टी नेतृत्वले उक्त विषयलाई कसरी सम्बोधन गर्ने भन्नेबारे सचिवालय बैठकमा गम्भीर छलफल हुने अनुमान गरिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया