मंग्सिर ३, २०८३ बिहिबार November 19, 2026

नेपाल आर्मीका विभागीय टिम पिएम कपको शीर्षस्थानमा

जितको लागि १ सय ८५ रनको चुनौती पछाएको आर्मीले २९ .२ ओभरमा ४ विकेट गुमाउँदै पूरा गर्दै विजयी

शेयर गर्नुहोस:
फन्ट परिवर्तन गर्नुहोस: अ अ अ

जनकपुरधाम । नेपाल आर्मीका विभागीय टिम जारी रहेको पिएम कपको शीर्षस्थानमा उक्लिएको छ ।

जनकपुरधामको निर्माणाधीन रामजानकी बहुउद्देश्यीय अन्तर्राष्ट्रिय रङ्गशालामा मधेश प्रदेशलाई आर्मीले आज ६ विकेटले पराजित गर्दै चौथो खेलमा विजयी भएर शीर्षस्थानमा उक्लिएको हो । यता मधेश पहिलो पटक हार बेहोरेको छ ।

जितको लागि १ सय ८५ रनको चुनौती पछाएको आर्मीले २९ .२ ओभरमा ४ विकेट गुमाउँदै पूरा गर्दै विजयी भएको हो । ओपनर त्रितराज दास र कप्तान विनोद भण्डारीले पहिलो विकेटको लागि ६७ रनको उत्कृष्ट साझेदारी गरेका थिए । विनोदले ३२ रन बनाएर आउट हुँदा भीम सार्की ८ रनमा र कुशल मल्ल २४ रनमा आउट भएका थिए ।

ओपनर त्रितराज ७२ बलको सामना गर्दै ७ चौका र ३ छक्का सहित ६९ रन जोड्दो आर्मीको जितलाई सहज बनाएका थिए । यसपछि बसिर अहमदले अविजित ४१ रन जोड्नु भएको थियो । मधेशका मोहम्मद आदिल आलामले सर्वाधिक २ विकेट लिँदा पवन सर्राफ र विशाल सुशलिङले १/१ विकेट लिएका थिए ।

त्यसअघि पहिले ब्याटिङ गरेको मधेश प्रदेशले ४८.३ ओभरमा सबै विकेट गुमाएर १ सय ८४ रन बनाएका थिए । मधेशका दुई ओपनर मयान यादव ५ रनमा र निरज यादव ९ रनमा आउट भएका थिए । दुई ओपनर आउट हुँदा मधेशले २५ रन मात्र बनाएपछि कप्तान अनिल शाह र पवन सराफले तेस्रो विकेटको लागि ५३ रनको साझेदारी गरेका थिए । पवन २२ रनमा आउट भएका थिए ।

अनिलले ६० बल खेलेर २ चौका र २ छक्काका सहित ४३ रन जोडेका थिए भने विशाल सुशलिङले अर्धशतक बनाएका थिए । उनले ७३ बल खेलेर ३ चौका र २ छक्का सहित ५१ रन बनाएका थिए । विशाल पटेलले १६ रन बनाउँदा अन्य खेलाडीले दोहोरो अङ्कमा रन छुन सकेका थिएन ।

बलिङमा आर्मीका बसिरले सर्वाधिक ३ विकेट तथा साहाब आलम र नरेन साउदले समान २ विकेट थिए । आर्मीले ५ खेलबाट ९ अंक जोड्दा मधेशको ७ अंक छ । यता मधेश प्रदेश पहिलो पटक पराजित भएको छ । आजको खेलमा त्रिभुवन आर्मीका त्रितराज दास ६९ रन बनाएर म्यान अफ दि म्याच घोषित हुनु भएका थिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार
भारतीय राष्ट्रपतिसमक्ष नेपाली राजदूत पाण्डेले बुझाए ओहोदाको प्रमाणपत्र
२०८३ मंग्सिर ३, बिहिबार
रूपन्देही लगायत लुम्बिनीका १० जिल्ला कुष्ठरोगको जोखिममा
२०८३ मंग्सिर ३, बिहिबार
चीन, अमेरिका र रुसद्वारा ‘शान्ति घोषणापत्र’ जारी
२०८३ मंग्सिर ३, बिहिबार
एनसेलको थ्रीजी युग अन्त्य हुँदै, पुस २ देखि फोरजीमा केन्द्रित सेवा
२०८३ मंग्सिर ३, बिहिबार