भाद्र ३०, २०८३ मंगलबार
September 15, 2026
युग खबर
२०८३ बैसाख १९, शनिबार
काठमाण्डौं, १९ वैशाख । राष्ट्रपति रामचन्द्र पौडेलले शनिबार थप तीनवटा अध्यादेश जारी गरेका छन् । राष्ट्रपतिले नेपालको संविधानको धारा ११४ को उपधारा (१) बमोजिम मन्त्रिपरिषद्को सिफारिसमा तीन वटा अध्यादेश जारी गरेका हुन् ।
राष्ट्रपति कार्यालयका अनुसार पौडेलले स्वास्थ्य विज्ञान प्रतिष्ठानसम्बन्धी केही नेपाल ऐनलाई संशोधन गर्ने अध्यादेश, २०८३, सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३ र विश्वविद्यालयसम्बन्धी केही नेपाल ऐनलाई संशोधन गर्ने अध्यादेश, २०८३ जारी गरेका हुन् ।
सरकारको सिफारिसमा राष्ट्रपति पौडेलले थप तीन वटा अध्यादेश जारी गरेको राष्ट्रपति कार्यालयका प्रवक्ता रितेशकुमार शाक्यले जानकारी दिए ।
राष्ट्रपति पौडेलले यसअघि सम्पत्ति शुद्धीकरण निवारण अध्यादेश, सहकारी र सार्वजनिक खरिदसम्बन्धी अध्यादेश पनि जारी गरेका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया