काठमाण्डाैंः प्राकृतिक विपत्तीले सिन्धुपाल्चोकमा यो वर्षामा ठुलो जनधनको क्षति भएपछि जिल्ला समन्वय समिति सिन्धुपाल्चोकले तयार पारेको बस्ती स्थान्तरण सम्बन्धी प्रारम्भीक प्रतिवेदन गृहमन्त्री रामबहादुर थापालाई बुझाइएको छ ।
असार १९ देखि सिन्धुपाल्चोकमा प्राकृतिक विपत्तीका कारण १ सय १२ जनाको मृत्यु र करोडौंको भौतिक सम्पत्ती नष्ट भएपछि जिल्ला समन्वय समितिले प्राकृतिक विपत्तीपछि विस्थापित भएकाहरुलाई सुरक्षित रुपमा स्थान्तरणका लागि प्रतिवेदन तयार पारेको थियो ।
जिल्ला विपद व्यवस्थापन समितिमार्फत पारित भएको प्रतिवेदन सभामुख अग्निप्रसाद सापकोटालाई गृह जिल्ला सिन्धुपाल्चोकमा नै बुझाइएको थियो भने गृहमन्त्री रामबहादुर थापालाई शुक्रबार उनकै कार्यकक्षमा पुगेर सिन्धुपाल्चोकका जनप्रतिनिधिहरुले प्रतिवेदन बुझाएका हुन् ।
जिल्ला समन्वय समिति सिन्धुपाल्चोकका प्रमुख कृष्णगोपाल तामाङले गृहमन्त्री थापालाई प्राकृतिक विपत्तीबाट हालसम्म सिन्धुपाल्चोकमा भएको मानवीय, भौतिक क्षति साथै बस्ती स्थान्तरण सम्बन्धी स्थलगत रुपमा तयार पारिएको प्रतिवेदन हस्तान्तरण गरेका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया